ଚିଠିରେ ଚିଠିରେ

  

କିଛି ବର୍ଷ ପୂର୍ବେ ଅନତି ଦୂରରେ

  ଲୋକେ ବହୁ ରହୁଥିଲେ 

ଯୋଗାଯୋଗ ପାଇଁ ବ୍ୟାକୁଳ ଭାବରେ

  ଡାକରେ ସେ ପଠାଇଲେ।।

ବହୁତ କଷ୍ଟରେ ଅତି ନିରନ୍ତରେ

   କାଟୁଥିଲେ ବହୁ କାଳ 

ଅଭାବରେ ପଡି ଦେଉଥିଲେ ରଡି

   ଚିଠିରେ କଟିଲା ବେଳ।।

ଲେଖିଦେଲେ ଚିଠି ଘୁଂଚିବ ଏଇଠି

    ଦୁଃଖ ଦୁର୍ଦ୍ଦଶା ସମୟ

ପରିବାରଲୋକେ ଖୁସି ମନାସିବେ

    ଟଙ୍କା ପାଇ କରି ଜୟ।।

ପ୍ରିୟଜନ ଲୋକେ ଖବର ଅନ୍ତର

   ନେଉଥିଲେ ଚିଠି ମଧ୍ୟେ

ଫେରସ୍ତ ଚିଠିର ଅପେକ୍ଷାରେ ରହି

   କଟୁଥିଲା ଦିନ ଅଧେ।।

ପ୍ରେମର ପ୍ରତୀକ ଥିଲା ସେହି ଚିଠି

    ନିବିଡ଼ ସେ ଚିର ସ୍ମୃତି

 କୋଇଲିର ସୁରେ ପୀରତି ବାନ୍ଧଇ

    ଗାଏ ହୃଦୟର ଗୀତି।।

ଅଟେ ବଡ଼ ସ୍ମୃତି ଚିଠିର ପୀରତି

   ବାନ୍ଧୁଥିଲା ବନ୍ଧନରେ

ହୃଦୟର ସୁରେ ବାସ୍ତବ ଭାବରେ

   ଲେଖା ହୁଏ ନିରନ୍ତରେ।।