Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lalitkumar Swain

Romance Tragedy

4.7  

Lalitkumar Swain

Romance Tragedy

ବିରହ ଚିଠି

ବିରହ ଚିଠି

1 min
141


ପ୍ରାଣ ପ୍ରିୟେ....

ହୃଦୟର ବେଦନାକୁ ପାରିଲିନି ରଖି ଓଠପରେ

ଅଶ୍ରୁ ମିଶା କିଛି କଥା ,ଚିଠି ଲେଖି କାଗଜରେ।

ଗଲାବେଳେ କିଛି ଶବ୍ଦ ଲେଖି ଥିଲ ମୋ ପାଇଁ

ବୁକୁ ଫଟା ଲୁହ ଝରେ , ନିତି ତୁମ ପାଇଁ।


ନିତି ଶୁଭ ମନାସୁଛି ନିଶ୍ଚେ ଥିବ କୁଶଳରେ

ମୋ ଅବସ୍ଥା ଭଲ ନାହିଁ ତୁମେ ଗଲା ପରେ।


ଦେଖିବ ଏକ ସଂସାର ଭିନ୍ନ, ଆସିବ ଯେବେ ଫେରି

ନଥିବ ମନ ମଳିନ୍ୟ, ରାଗ, ଦ୍ୱେଷ, ଦୁଃଖର ଲହାରୀ।


ନଥିବେ ପଥରୋଧକ, ଈର୍ଷାଳୁ କି ଦୁଷ୍ଟ ବ୍ୟଭିଚାରୀ

ଅଦାରିବେ ପିତୃ, ମାତୃ,ବନ୍ଧୁ , ସଖା ନ ହୋଇ ବାଇରୀ

ଥିବ ଖାଲି ସ୍ନେହ, ଭଲପାଇବା, ସତେ ବଇକୁଣ୍ଠ ପୁରି

ଦେଖିବ ଏକ ସଂସାର ଭିନ୍ନ, ଆସିବ ଯେବେ ଫେରି।


ଜୀବନ ଲାଗୁଛି ଶୂନ୍ୟ, କ୍ଷୁଦ୍ର ପ୍ରାଣ ହାହାକାର ମୟ

ପଲକେ ପଲକେ ଛିଣ୍ଡି ବେଦନାରେ ପଡେ ମୋ ହୃଦୟ।


ନ ସହି ଭର୍ତ୍ସନା ସିକ୍ତ କାଟୁ ବାକ୍ୟ, ଯାଇଥିଲ ଫେରି

କୋମଳ ତନୁ କାନ୍ତି ତବ ବ୍ୟଥା ,କ୍ଳେଶ ସହି ନ ପାରି

ଦେଖିବ ଏଠି କେବଳ ଭଲ ପାଇବା ରହିଛି ଆବୋରି

ନଥିବ ମନ ମଳିନ୍ୟ, ରାଗ, ଦ୍ୱେଷ, ଦୁଃଖର ଲହାରୀ।


ସମଦର୍ଶୀ ହେବା ପାଇଁ କହିଥିଲ, ଅଭିମାନ ତ୍ୟାଗ କରି

ଅଭିମାନ ଦେଇଛି ସାରି, ନୟନର ତପ୍ତ ଲୁହେ ଆଦ୍ର କରି।


ଅବିଳମ୍ବେ ଆସିବ ଫେରି କରିବନି ପ୍ରିୟେ ଡେରି

ଅଛି ତବ ଅପେକ୍ଷାରେ ଚିଠି ଲେଖା ଶେଷ କରି।।

।ଇତି।

 ତୁମର ଲଳିତ


Rate this content
Log in