କବିତା-'ସବୁ ଚିଠି ଆସେ ଫେରି'

ମୋ' ଅଜାଣତରେ ଠିକଣା ତମର ବଦଳାଇ ଦେଲ ବୋଲି,

ଚିହ୍ନା ଠିକଣାରେ ଯେତେ ଚିଠି ଦିଏ ସବୁ ଚିିଠି ଆସେ ଫେରି । (୦)

ଏମିତି ଜୀବନେ କେତେ ଚିଠି ଠକିିିତ ନଥିଲି ଥରେ

ଫେରା ଚିଠି ଏବେ ଧରିବା ପାଇଁ ବି ଦୁଇ ହାତ ମୋର ଥରେ

କୁହ ପ୍ରିୟତମ ଭୁଲିଲ କାହିଁକି କି ପାପ ଅବା ମୁଁ କଲି । 

ମୋ' ଅଜାଣତରେ ...... (୧)

ପ୍ରେମ ତ ଗୋଟିଏ ପାପଶୂନ୍ୟ ଫୁଲ ତମେ ଦିନେ କହିଥିଲ

ସେ ପୂଣ୍ୟ ଫୁଲର ପ୍ରୀତି ପାଖୁୁଡାରେ ନିଆଁ କିଆଁ ଲଗାଇଲ

ଲୁହ ଟୋପେ ଦେବ ତୁମ ବିରହରେ ଯେଉଁ ଦିନ ଯିବି ମରି |

ମୋ' ଅଜାଣତରେ .... (୨)

ମୋ' ଅଜାଣତରେ ଠିକଣା ତମର ବଦଳାଇ ଦେଲ ବୋଲି ଚିହ୍ନା ଠିକଣାରେ ଯେତେ ଚିଠି ଦିଏ ସବୁ ଚିଠି ଆସେ ଫେରି । (୦)