କହିବ କିଏ
କହିବ କିଏ
କହିବ କିଏ ?
ଏବେ କିଆଁ ମୃଦୁ ପବନ ବହେ
ଗଛେ ନୂଆ ପତ୍ର କଅଁଳୁ ଥାଏ
ଆମ୍ବ ଗଛେ କେତେ କଷି ଆମ୍ବ ଝୁଲେ ତୋଟାରେ କାହିଁକି କୋଇଲି ଗାଏ ?
ଫୁଲ ଫୁଟି ବାସ ମହକୁ ଥାଏ
ମଳୟ ସହିତ ମନକୁ ମୋହେ
ଶୀତ ନଥାଏ କି ବରଷା ନଥାଏ ଆକାଶେ ଚନ୍ଦ୍ରମା ଚହଟୁ ଥାଏ ।
ପାଚେ ବରଫଳ ଆଉ ସାହାଡା
ପଳାଶ ଗଛେ ନାଲି ଫୁଲ ମେଳା
ଗଛେ ପକ୍ଷୀ ବସା ଶାବକର ଭାଷା ବାଟୋଇ ମନକୁ ଭୁଲାଇ ନିଏ ।
ଜାଗର ଓ ହୋଲି ପରବ ଆସେ
ରଙ୍ଗ ଅବିରର ବଜାର ବସେ
ବିମାନରେ ଶୋଭା ରାଧାକୃଷ୍ଣଙ୍କର ମେଲଣ ଯାତରା ମନକୁ ଛୁଏଁ ।
ଶୁଣ ମୁଁ କହେ
ଏହି କଥା ଅବା ନଜାଣେ କିଏ
ଯାହାକୁ ପଚାର କହିବ ସିଏ
ଋତୁରାଜ ଏବେ ଧରାକୁ ଆସିଛି ସେଥିପାଇଁ ପରା ଏସବୁ ହୁଏ ।