Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

satyabrat sahoo

Inspirational


3  

satyabrat sahoo

Inspirational


ଭାରତ ମାଆର ହେଉ ଜୟ

ଭାରତ ମାଆର ହେଉ ଜୟ

1 min 365 1 min 365

ସ୍ଵାଧୀନତାର ବାର୍ତ୍ତା କହି କହି ଆସିଅଛି ଅଗଷ୍ଟ ପନ୍ଦର

ଭାରତମାତାର ଶିରେ ଉଡୁଅଛି ତ୍ରିରଙ୍ଗା ପତାକା ଫରଫର ।

ବଣିଜ କରିବା ଛଳରେ ଇଂରେଜେ ଆମକୁ କରିଲେ ପରାଧୀନ

ହିଂସା ଅତ୍ୟାଚାରେ ଆମକୁ ଶୋଷିଲେ କରିଲେ ଆମକୁ ହୀନିମାନ ।

କରିବେ ସ୍ଵାଧୀନ ମାଆକୁ ଆମର ଛିଡ଼ାଇ ଶୃଙ୍ଖଳ ପରାଧୀନ

ଜନମିଲେ କେତେ ବୀର ସନ୍ତାନ ଓ କେତେ ଦେଲେ ଘୁମି ବଳିଦାନ ।

ପିଠିରେ ସହିଲେ ଚାବୁକ ପ୍ରହାର ଛାତି ଦେଖାଇଲେ ଗୁଳି ଆଗେ

ମାଆକୁ ସ୍ଵାଧୀନ କରିବା ପାଇଁକି ପ୍ରୟାସ କରିଲେ ବେଗେ ବେଗେ ।

କେତେ ସଂଗ୍ରାମୀ ଜେଲ ଭୋଗିଲେ କେତେ ସହିନେଲେ ମୃତ୍ୟୁଦଣ୍ଡ 

ତଥାପି ମଲାନି ସ୍ଵାଧୀନତା ସ୍ଵପ୍ନ ଭାଙ୍ଗିଲାନି ବୀର ମେରୁଦଣ୍ଡ ।

ଶେଷରେ ଗାନ୍ଧୀଜୀ ମଙ୍ଗ ସମ୍ଭାଳିଲେ ମନ୍ତ୍ରକରି ଅହିଂସାର ନୀତି

ଆମ ଦେଶ ଛାଡ଼ି ଚାଲିଯିବା ପାଇଁ ବାଟ ଖୋଜିହେଲା ଗୋରା ଜାତି ।

ଉଣେଇଶ ସତଚାଳିଶ ଅଗଷ୍ଟ ପନ୍ଦରେ ଦେଶ ଭାର ଆମ ହାତେ ଦେଇ

ଚାଲିଗଲେ ସେହି ବଣିକଜାତି ସାତ ସମୁଦର ପାର ହୋଇ ।

ଆସିଛିରେ ଆଜି ସେହି ଶୁଭଦିନ ଦେଶ ସ୍ଵାଧୀନତା ବାର୍ତ୍ତା ନେଇ

ଆସ ଉଡ଼ାଇବା ଜାତୀୟ ପତାକା ଶାନ୍ତି, ପ୍ରେମ, ମୈତ୍ରୀ ଗୀତ ଗାଇ ।

ଭାରତ ମାଆର ସନ୍ତାନ ଆମେ ପରିଚୟ ଆମ ଭାରତୀୟ

ଗୋଟିଏ କଣ୍ଠରେ ଗାଇବା ସଭିଏଁ ଭାରତ ମାଆର ହେଉ ଜୟ ।



Rate this content
Log in

More oriya poem from satyabrat sahoo

Similar oriya poem from Inspirational