ବାଧ୍ୟ କରୁ କାହିଁ କାନ୍ଦିବାକୁ

ସୁସ୍ଥ ଶରୀର ଦେଲୁରେ ଜଗା

ଦେଲୁ ନାହିଁ କେବେ ଖେଳିବାକୁ

ଓଠ ଦେଲୁ ସିନା କଥାପାଇଁ

ଦେଲୁନାହିଁ ସତ କଥା କହିବାକୁ

ବଞ୍ଚିବାକୁ ବାଧ୍ୟ କଲୁ ବାରମ୍ବାର

ଇଚ୍ଛା ଦେଲୁ ଯେତେ ସବୁ ମାରିବାକୁ

ମଲା ମନଟିଏ ଦେଇଛୁ କାହିଁକି

ବାଧ୍ୟକରୁ କାହିଁ କାନ୍ଦିବାକୁ..? 

ଅଭାବ ଦେଲୁ ଅଶାନ୍ତି ଦେଲୁ

ବିବେକ ଦେଇଛୁ କ'ଣ ଜଳିବାକୁ

ସ୍ୱାଭିମାନ ଟିକେ ଦେଲୁ ବୋଲି

ସୁଯୋଗ ଦେଲୁନୁ ଟିକେ ହସିବାକୁ

କେମିତି ବା ମିଛେ ହସିବି କହରେ

ହାତ ନାହିଁ ମୋର ଲୁହ ପୋଛିବାକୁ

କେତେଥର ଲୁଚେଇବି ଆଖି ଲୁହ 

ବାଧ୍ୟ କରୁ କାହିଁ କାନ୍ଦିବାକୁ...?