ବୀଦିର୍ଣ୍ଣ ମନର ଅବଶୋଷ
ବୀଦିର୍ଣ୍ଣ ମନର ଅବଶୋଷ
ଇଚ୍ଛା ଥିଲା ଦିନେ
ଚାଲିବାକୁ ଧରି ତୁମ ହାତ ;
ହେଲେ ମୁଁ ଯେ ମୋ ମନ କଥା
ତୁମକୁ କେବେ କହିପାରିନି
ଏକଥା ବି ଚିରନ୍ତନ ସତ .......
ଆଜି ବି ମାନିବାରେ ମୋ ଦ୍ୱିଧା ନାହିଁ
ତୁମେ ହିଁ ମୋ ପ୍ରଥମ ପ୍ରେମ
ଆଉ ତୁମେ ହିଁ ମୋ ଶେଷ ;
ମାତ୍ର ପୁଣି ଭାବେ
କେଉଁ ନାଁ ଦେବି ଆମ ସମ୍ପର୍କକୁ
ଯେତେବେଳେ କି ସରିବାକୁ ବସିଲାଣି ଆୟୁଷ ......
ସତରେ ଦୁର୍ମୂଲ୍ୟ ଭାବନା ମୋର
ନା ଅଛି ତାଳ ନା ଅଛି ସ୍ୱର ;
ଖାଲି ଯାହା ଶବ୍ଦମାନଙ୍କର ନିରବ କାକଳି
ଏବେ ତ ସମୟ ଅତିକ୍ରମ କଲାଣି ଗୋଧୂଳି
ଟିକିଏ ପରେ ହେବ ବିଭାବରୀ
ଏବଂ ଦେଖୁ ଦେଖୁ ଛିଡିଯିବ ଭାବନାର ଡୋରି .......
ଅବଶୋଶ କେବଳ ରହିଯିବ
ପାରିଲିନି ତୁମକୁ ଏ ଜୀବନେ କିଛି ହେଲେ କହି;
ସ୍ୱପ୍ନମାନଙ୍କୁ ସାଉଁଟିବାକୁ ଯାଇ
ଖାଲି ଯାହା ଜୀବନ ତମାମ ନଦୀ ପରି
ଏକା ଏକା ନିଜେ ଗଲି ବୋହି .......