ଅଧା ସ୍ୱପ୍ନ
ଅଧା ସ୍ୱପ୍ନ
କେବେ ଥିଲ ତୁମେ ,
ମୋ ପାହାନ୍ତି ଖରାର ଧାପ
କେବେ ଥିଲ ପୁଣି
ଶ୍ରାବଣୀ ଧାରାର ସ୍ରୋତ
କେବେ ଥିଲ ପ୍ରିୟ
ନଦୀ ତଟର କାଶତଣ୍ଡି
ତ କେବେ ସାଜୁଥିଲ
ହିମ ପ୍ରବାହ ରେ ଶାନ୍ତି
କେବେ ଥିଲ ତୁମେ
ସକାଳ ଶିଶିର ର ରୂପ
କେବେ ଥିଲ ପୁଣି
ମୃଦୁ ମଳୟ ରୂପୀ ବସନ୍ତ
କାହିଁ ଲାଗୁନାହିଁ
ସେ ଉଷ୍ମ ପବନ ର ସ୍ପର୍ଶ
କାହିଁ ଥମି ଗଲା
ସେ ସ୍ରୋତସ୍ୱିନୀ ର ବେଗ
ଝାପ୍ସା ପଡିଛି ଆଜି
ସେ କାଶତଣ୍ଡି ର ସଜବାଜ
ସତେ କି ଝାଉଁଳି ପଡିଛି
ଏକ ଅନୁଭବ ର ଗୋଲାପ
ଉଡୁନାହିଁ ଆଉ
ଚଗଲା ଫଗୁଣ ର ଫଗୁ
ପଡୁ ନାହିଁ କାହିଁ
ପ୍ରେମ କୁହୁଡ଼ି ର ବିନ୍ଦୁ
ଛୁଉଁ ନାହିଁ କାହିଁ
ତୁମ ଭାବ ଏବେ ମୋତେ
ନାହଁ କି ମୋ ପ୍ରିୟ
ଭାବନା ମୋତେ ପ୍ରଶ୍ନ କରେ
ମନ ଖୋଜେ ପୁଣି
ସେ ଅନୁରକ୍ତ ର ପ୍ରଭା
ସେ ଅଣଲୋଉଟା ସାଥିକୁ ମୋର
କିଛି କଥା କହିବାର ଥିଲା।