ଲାଇବ୍ରେରୀ
ପ୍ରୋଫାଇଲ୍
ନିଶ୍ଚିତ ଭାବେ
ନିଶ୍ଚିତ ଭାବେ
1 min
186
ନିଶ୍ଚିତ ଭାବେ,
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋତେ ଅଣନିଃଶ୍ୱାସୀ ଲାଗେ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ଅନୁପସ୍ଥିତି ମୋତେ ମହାଶୂନ୍ୟତାକୁ ଅନୁଭବ କରାଏ।
ସେ ବି ବଞ୍ଚିଯିବେ ,ଯେ କହୁଥିଲେ,
"ତୁମ ବିନା ମୋ ପ୍ରଭାତେ କାଳିମା ଛାଏ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋର ଶୃଙ୍ଗାର ମଳିନ ହୁଏ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋ କେଶ ବି ଅଡୁଆ ରୁହେ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋ କ୍ଷୁଧା ତୃଷା ଉଡିଯାଏ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋ କାନ୍ତି ବି ସୌରଭ ହରାଏ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋ ଜୀବନ ତ ମରୁଭୂଇଁ ଟିଏ।
ସେ ବି ବଞ୍ଚିଯିବେ, ଯେ କହୁଥିଲେ,
"ତୁମ ବିନା ମୋ ସଙ୍ଗୀତ ରାଗ ଛନ୍ଦ ଭୁଲି ଯାଏ।
