ଶ୍ରୀକ୍ଷେତ୍ରଧାମ

ଚାରି ଧାମ ମଧ୍ୟେ ଅନନ୍ୟ 

ଅଟେ ଶ୍ରୀ କ୍ଷେତ୍ର ଧାମ  

ଉତ୍କଳର ପୂର୍ଣ୍ଣ ଚାନ୍ଦ ହେ 

ଜାଣେ ଚାରି ଭୁବନ  

ପୁଣ୍ୟ ଭୂମି ପୁଣ୍ୟ ସମୀର 

ଏଠି ଅମୃତମୟ  

ଚତୁର୍ଦ୍ଦିଗ ଲାଗେ ପବିତ୍ର 

ବହେ ଶାନ୍ତି ମଳୟ  

ତୟୋନିଧି କରେ ପୂଜନ 

ଧୋଇ ପଦ୍ମ ପୟର  

ପୀତ ପାଠମ୍ୱରୀ ଜଗାର 

ସତେ କି ମନୋହର  

ବଡ ଦେଉଳର ରଜା ହେ

ମୋର କାଳିଆ କାହ୍ନୁ  

ମଞ୍ଜୁଳ ତୋ ସୁନା ବେଶ ଯେ 

ଭକ୍ତ ମନକୁ ଜିଣୁ  

ବଡ ଠାକୁରର ଦାଣ୍ଡ ଯେ 

ସଦା ଶରଧାମୟ  

ଭକ୍ତ ପ୍ରିୟ ଭଗବାନଙ୍କ 

ଯାତ ଜାଜୁଲ୍ୟମୟ  

ଅନାଥର ନାଥ ପ୍ରଭୁ ହେ 

ଧନ୍ୟ ତୁମର ଲୀଳା  

ଅଧମ ଅଜ୍ଞାନ ବାଳି ମୁଁ 

ରଚେ ତୁମ ରଚନା।