ଲାଇବ୍ରେରୀ
ପ୍ରୋଫାଇଲ୍
ନନ୍ଦରାଜାର ଟିକି ପିଲା
ନନ୍ଦରାଜାର ଟିକି ପିଲା
1 min
153
ହେଲାଣି ସେ ଦିବାକରଙ୍କ
ଘର ଲେଉଟା ବେଳ
ଝାପ୍ସା ପଡ଼ିଲାଣି ସୂରୁଯ
ଦାଣ୍ଡ ଦୁଆର ଶାଳ
ବସା କୁ ବାହୁଡ଼ିଗଲେଣି
ପଶୁ ପକ୍ଷୀଙ୍କ ମେଳ
ଧିମେଇଁ ଗଲାଣି ଧନରେ
ତୁମ ବଂଶୀର ସ୍ୱର
କାହିଁ ଗଲୁ କଳା କାହ୍ନୁରେ
ହେ ମୋ ହୃଦ ଚନ୍ଦନ
ବେଳ ବୁଡି ସଞ୍ଜ ଅଇଲା
ହେ ମୋ ରଂକୁଣି ଧନ
ଦହି ଦୁଗ୍ଧ ସର ଲବଣି
ରଖିଅଛି ସାଇତି
ସତ୍ୱର ଲେଉଟ ଶ୍ୟାମରେ
ବେଳ ଗଡି ଗଲାଟି
ନନ୍ଦ ବାଳା ଗଳା ମାଳି ମୋ
ତୁ ମୋ ନୟନ ତାରା
ଅନ୍ଧ ଲଉଡ଼ି ତୁ ମୋହର
ହେ ମୋ ସୁଖ ପସରା
ମା' ଡାକ ଶୁଣି ଯେ କର୍ଣ୍ଣ ମୋ
ହୋଇ ପାଗଳି ପ୍ରାୟ
ଖୋଜି ବୁଲେ ଗୋପ ପୁରେ ଗୋ
ପାଇ ପୁତ୍ରର ମୋହ।
