Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

Rupali priyadarshini Samantaray

Drama


4  

Rupali priyadarshini Samantaray

Drama


ବୋଉଲୋ ମୁଁ ଭଲରେ ଅଛି

ବୋଉଲୋ ମୁଁ ଭଲରେ ଅଛି

2 mins 333 2 mins 333

ମନ ଊଣା କରିବୁନି ବୋଉ ଲୋ

ଛାଡି ମୁଁ ଆସିଛି ବୋଲି ।

ତୋ ସଂସ୍କାର ମନେ ମୋର ରଖିଛି

ବୋଉଲୋ ଯାଇନି ଭୁଲି ।।

ଭାବି ବୁନି ବୋଉ ଲୋ ଝିଅ ତୋର 

ପାରିବନି କିଛି ସହି ।

ତୋ ଠାରୁ ପରା ମୁଁ ଶିଖିଛି

ବଡ଼ ଲୋକଙ୍କୁ ଉତ୍ତର ନାହିଁ ।।

ରାଣ ଦେଲି ବୋଉ ତତେ ଲୋ

ଭାବି ବୁନି ବେଶୀ କିଛି ।

ସତ ମୁଁ କହୁଛି ତତେ ବୋଉଲୋ

ମୁଁ ଭଲରେ ଅଛି ।।୧।।

ଘରେ ପସୁ ପସୁ ନଣନ୍ଦ ଓଗାଳୀ

ମାଗିଲେ ନଣନ୍ଦ ପୁଟୁଳି ।

ସର୍ବ ସମ୍ମୁଖରେ ଖୋଲି ଦେଇ ସେ ଯେ

ଆରମ୍ଭ କରିଲେ ଗାଳି ।।

ଛି ଛି କହି ଫିଙ୍ଗି ଦେଲେ ସବୁ

କହିଲେ ବ୍ରାଣ୍ଡ ନାହିଁ ।

ବନାରଶି ପାଟ ପସନ୍ଦ ହେଲାନି

ସମ୍ବଲପୁରୀ ନାହିଁ କାହିଁ ।।

ବେକ ହାର ଦେଖି ଶାଶୁ ମୋ କହିଲେ

ଭରିଏ ଓଜନ ହବନି ।

ପାଦୁ ମୋ ପାଉଁଜି ଖୋଲିକି ନଣନ୍ଦ

କହିଲେ ଭାଉଜ ଦେବିନି ।।

ଶଶୁର କହିଲେ ମୁଁହ ଦେଖି ମୋର

ବୋହୂ ସଣ୍ଠଣା ସଂସ୍କାର ଶିଖିଛି ।

ସତ ମୁଁ କହୁଛି ତତେ ବୋଉଲୋ

ମୁଁ ଭଲରେ ଅଛି ।।୨।।

ଭାର ଗାଡ଼ି ଦେଖି ଗାଁ ଲୋକ କହୁଛନ୍ତି

ଏ ସି ଖଣ୍ଡେ ବାପ ଦେଇନି ।

ମିଠା ଭାର ସବୁ ଯାହା ଦେଇଥିଲ

ଶାଶୁ କଂ ପସନ୍ଦ ହେଲାନି ।।

ଦିଅର କୁହନ୍ତି ଭାଉଜ ଫିଟିଂ

ନୁହଁ ମୋ ଭାଇ କୁ ।

ସ୍ମାର୍ଟ୍ ହଣ୍ଡ୍ସମ୍ ଭାଇ ମୋର

ମ୍ୟାଚିଂ କରୁନି ତମକୁ ।।

ଭାଗ୍ୟ ଶାଳୀ ମୁଁ ଯେ ଭଲ ଘର ଆଉ

ଭଲ ସ୍ବାମୀ ଟିଏ ପାଇଛି ।

ସତ ମୁଁ କହୁଛି ତତେ ବୋଉଲୋ

ମୁଁ ଭଲରେ ଅଛି ।।୩।।

ଯାହା ବୁଝିଥିଲୁ ସବୁ ସତ ବୋଉ

ସ୍ବାମୀ କରିଛନ୍ତି ବଡ଼ ଚାକିରି ।

ପଇସାର ଯମା ଅଭାବ ନାହିଁଲୋ

ବୁଦ୍ଧିଆ ଚାଲାଖ ଭାରି ।।

ଟାଣ କରି ପଦେ କହନ୍ତିନି କେବେ

କାଳେ ମୋତେ କଷ୍ଟ ହେବ ।

କହିବା ଆଗରୁ ସବୁ ଆଣିକି ଦିଅନ୍ତି

କିଛି ନାହିଁ ମୋର ଅଭାବ ।।

ମନ କଥା ଯେବେ କହିବାକୁ ଭାବେ

ସ୍ବାମୀ ଙ୍କ ପାଖରେ ବସି ।

ସ୍ବାମୀ ମୋ କୁହନ୍ତି ବ୍ୟସ୍ତ ଅଛି ଟିକେ

ପଛେ କହି ଦେବ ଆସି ।।

ଥକି ଯାଇଥିବେ କାମ କରି କାଳେ

ଭାବି ମୁଁ କହୁନି କିଛି ।

ସତ ମୁଁ କହୁଛି ତତେ ବୋଉଲୋ

ମୁଁ ଭଲରେ ଅଛି ।।୪।।

ଜିଦି କରି ଯଦି ଅଳି କରି କେବେ

କହିଦିଏ ମନ କଥା ।

ସ୍ବାମୀ ମୋ କୁହନ୍ତି ଟେଂସନ୍ ରେ ଅଛି

ବଢ଼ାଅନି ମୁଣ୍ଡ ବ୍ୟଥା ।।

ମଦ ବିଡି ନିଶା ଅଭ୍ୟାସ ନାହିଁ

କହୁଅଛି ମୁଁ ଯେ ଗର୍ବରେ ।

ହେଲେ ଚିହ୍ନି ପରନ୍ତିନି ସ୍ବାମୀ ମୋର ମୋତେ

ଥାନ୍ତି ଯେବେ ସେ ରାଗ ରେ ।।

ଚଉଦ ପୁରୁଷ ମୋ ଉଗାଳୀ ଦିଅନ୍ତି 

କେତେ ନୂଆ ଶବ୍ଦ କହି ।

କଥା କଥାରେ ସେ କୁହନ୍ତି ମୋତେ

ତାଙ୍କୁ ମୁଁ ବୁଝି ପାରିଲି ନାହିଁ ।।

ତତେ ଦେଖିବାକୁ ବୋଉଲୋ

ଭାରି ମୋର ଇଚ୍ଛା ହେଉଛି ।

ସତ ମୁଁ କହୁଛି ତତେ ବୋଉ ଲୋ 

ମୁଁ ଭଲରେ ଅଛି ।।୫।।



Rate this content
Log in

More oriya poem from Rupali priyadarshini Samantaray

Similar oriya poem from Drama