ମୁଁ କାଉଁରୀ ଦେଶ କନ୍ୟା
ମୁଁ କାଉଁରୀ ଦେଶ କନ୍ୟା
1 min
413
ମୋତେ ନେଇ କେହି ସ୍ୱପ୍ନ ଦେଖନାହିଁ
ମୁଁ କାଉଁରୀ ଦେଶ କନ୍ୟା ,
କୁସୁମ ଉଦ୍ୟାନ ପଳାଶ ଫୁଲ ମୁଁ
ମରୁ ରାଇଜର ବନ୍ୟା ।
ଜହ୍ନ ପରି ସିନା ଶୀତଳ ମୁଁ ଅତି
ଭିତରେ ଆଗ୍ନେୟ ଲାଭା ,
ଜାଣ ଅଜାଣତେ ମନ ଦେଇଦେଲେ
ସାର ଛାରଖାର ହେବା ।
ଦୂର ପାହାଡ଼ଟି ଦୂରକୁ ସୁନ୍ଦର
ପାଖରେ ସେ ଅତି ରୁକ୍ଷ ,
ସେହିଭଳି ଏକ ଅପ୍ସରୀଟିଏ ମୁଁ
ଛିନ୍ନ ଯାହାର ଯେ ପକ୍ଷ ।
ଉଆଁସ ରାତିର ଜହ୍ନଟିଏ ମୁହିଁ
ମରୁଦ୍ୟାନ ମରୀଚିକା ,
ସତ ମଣି ଯିଏ ପଛେ ଗୋଡ଼ାଇବ
ଥକିଯିବା ସାର ଏକା ।