ଶୁଭୁଅଛି ମୀରା

ରାଧା ନାମ ବାଉ ବାଉ

ଶୁଭୁଅଛି ମୀରା,

କୃଷ୍ଣ, କୃଷ୍ଣ ଡାକୁଅଛି

ତୁମ ଏକତାରା ।(ଘୋଷା)

ତାଙ୍କଠି ଶରଧା ଯେତେ,

ତୁମଠି ଆଦର ସେତେ ।

ତଥାପି ବଇଁଶୀ ଡାକେ

କାହିଁକି ରାଇକୁ ଏତେ !

ଖୋଲି କହିଦେବି ଯଦି

ପଡ଼ିଯିବି ଧରା ।(୧)

ରାଧା ନାମ ବାଉ ବାଉ

ଶୁଭୁଅଛି ମୀରା...

ରାଜରାଣୀ ହୋଇ ସତେ,

ମନ ଦେଇଅଛ ମୋତେ ।

ବୁଝିବାକୁ ବାକିନାହିଁ

ଜାଣନ୍ତି ଜନେ ଜଗତେ ।

କଳଙ୍କିନୀ ସାଜିଲଣି

ମୋହଲାଗି ପରା ।(୨)

କୃଷ୍ଣ, କୃଷ୍ଣ ଡାକୁଅଛି

ତୁମ ଏକତାରା...

ରାଧା ନାମ ବାଉ ବାଉ

ଶୁଭୁଅଛି ମୀରା,

କୃଷ୍ଣ, କୃଷ୍ଣ ଡାକୁଅଛି

ତୁମ ଏକତାରା ।