ପ୍ରଥମ ଦେଖା

ବୋଧେ ସେଦିନର ସେ କଥା 

ତୁମର ଆଉ ମନେ ନାହିଁ

ତୁମର ସେ ସବୁଜ ରଙ୍ଗର ସାର୍ଟ ଟି

ହୁଏତ ତୁମ ପାଖରେ ନାହିଁ ।

ତୁମେ ମାରିଥିବା ସେ ଅତରର ବାସ୍ନା

ତୁମେ ଭୁଲି ଯାଇ ଥାଇ ପାର

ହେଲେ ହଁ ସେଇ ବାସ୍ନା ହିଁ ବାନ୍ଧିଥିଲା

ଆମ ସହ ଏ ସମ୍ପର୍କର ଡୋର ।

ତୁମେ ହାତ ପୋଛି ଥିବା ମୋର ସେ

କଳା ଓଢଣୀଟି ଆଜି ବି ମୋ ପାଖରେ ଅଛି

ପ୍ରଥମ ପ୍ରେମର ପ୍ରଥମ ଦେଖା

ଆଜି ବି ମୋର ମନେ ଅଛି ।

ତୁମେ ଭୁଲି ଯାଇ ଥାଇ ପାର

ସେ ଦିନ ଏମିତି ଖାସ୍ ନଥିଲା କିଛି

ହେଲେ ଏ ସମୟ ଆଜି ସେ ଦିନକୁ

ଖାସ୍ ବନେଇ ଦେଇଛି ।