ଖୁସି ଏମିତି ଆସେ
ଖୁସି ଏମିତି ଆସେ
1 min
438
ଜୀବନରେ କେତେ ବାଟ ମୁଁ ଚାଲିଛି
କିଛି ମନେ ପଡୁନାହିଁ
ଯାତ୍ରା ପଥର ଯେତେ ସ୍ମୃତି ଚିହ୍ନ
ଯାଇଛି ଅଲୋଡା ହୋଇ I
ଆଜି ଯେଉଁ ବାଟେ ପକାଇଛି ପାଦ
କଣ୍ଟା ଖୋଜୁନାହିଁ ଫୁଲ
ହଜିଯାଏ ସବୁ ଲୁହର ଲହଡି
ଶୁଭେ ପ୍ରଣୟର ସ୍ୱର I
ଗୋଲାପି ପ୍ରିୟା ମୋ ପ୍ରୀତିର ମହକ
ଭରିଛି ଜୀବନ ପାତ୍ର
ସିଏ ମୋ ରାତିର ଗୋଲାପି ସପନ
ଆଖିର ଅଭୁଲା ଚିତ୍ର I
ଦେଖା ଯାଉନାହି ମରଣ ଛବି
ଜୀବନ ସଞ୍ଜବେଳେ
ଗାଉନି ଆଉ ମୁଁ ବିରହ ଗୀତ
ମିଳନ ବେଦୀ ତଳେ I
ତା ପାଇଁ କି ଆଜି ଅମା ଅନ୍ଧାର
ଆସୁନି ଆଗକୁ ମାଡି
ସେପାଇଁ ଗାଏ ମୁଁ ଜୀବନ ଗୀତ
ମରଣ ଯାଉଛି ହାରି I