ଆଖିରେ ଗୋଲାପି ପ୍ରିୟା

ଗୋଲାପି ପ୍ରିୟା ମୋ ସରଗର ପରୀ

ଜହ୍ନର ଜୋଛନା ଧାର

ଗୋଲାପି ପ୍ରିୟା ମୋ ଆକାଶ ନୀଳିମା

ବିଜୁଳିର ସରୁ ଗାର I

ଗୋଲାପି ପ୍ରିୟା ମୋ ନୀଳକଇଁଟିଏ

ସରୋବରେ ଶୋଭାପାଏ

ସଞ୍ଜରୁ ସକାଳ ଗୋଟିଏ ଲୟରେ

ଜହ୍ନଦିଗେ ଚାହିଁଥାଏ I

ଗୋଲାପି ପ୍ରିୟା ମୋ ରାତିର ମହକ

ରଜନୀଗନ୍ଧାର ବାସ

ଗୋଲାପି ପ୍ରିୟା ମୋ ସପନ ମହଲେ

ପ୍ରୀତିମଖା ମଧୁମାସ I

ଗୋଲାପି ପ୍ରିୟା ମୋ ଅନ୍ଧାର ରାତିରେ

ଗଙ୍ଗଶିଉଳୀର ଶୋଭା

ଗୋଲାପି ପ୍ରିୟା ମୋ ଗୋଲାପ ପାଖୁଡା

ଦିଶେ ଭାରି ମନଲୋଭା I

ଗୋଲାପି ପ୍ରିୟାର ଗୋଲାପି ପଣରେ

ମନମୋ ଯାଇଛି ହଜି

ସେଥିପାଇଁ ମୋର ଆଖିତଳେ ତାର

ଛବି ଆଙ୍କୁଛି ମୁଁ ଆଜି I