ଜୀବନ ସାଥି
ଜୀବନ ସାଥି
ଲୁହ ପରି ନିଜର ବୋଲି ତ
ତୁମକୁ ସବୁବେଳେ ନିଜର କରିଛି ...
ସମର୍ପଣର ସେହି ମହାର୍ଘ ମୋହକୁ
ତୁମଠାରେ ସମର୍ପି -
ମୁଁ ଦୁନିଆଁ ଦାଣ୍ଡରେ ତୁମର ପରିଚୟରେ ବଞ୍ଚିଛି ।
ସୁଖ ଦୁଃଖ
ହସ କାନ୍ଦର ଏକ ଜୀବନ ...
ତୁମ ସିନ୍ଦୂର ମୋ ମଥାରେ ଆର୍ଶୀବାଦ
ମୁଁ ପୂଜାରିଣୀ ତମେ ଦେବତା ମୋର
ତୁମ ପ୍ରୀତିରେ ପ୍ଲାବିତ ମୋର ସମଗ୍ର ନିଶ୍ଵାସ ।
ତୁମେ ଦେଇଥିବା ବିଶ୍ୱାସରେ
ମୋର ଅୟୁତ ଅୟୁତ ସ୍ଵପ୍ନ...
କେତେବେଳେ ମୁଁ ପ୍ରୀୟାରୁ ପ୍ରେୟସୀ
କେତେବେଳେ ରୂପବତୀ ରାଜଜେମା
ତୁମ ଶ୍ରଦ୍ଧା ଓ ଆସ୍ପର୍ଦ୍ଧାରେ ଖୁବ୍ ରଙ୍ଗୀନ ମୋ ଜୀବନ ପୃଥିବୀ ।