ତୁ ଆସିବା ପରେ
ତୁ ଆସିବା ପରେ
1 min
330
ତୁ ଆସିବା ପରେ ବଦଳିଛି
ମୋର ଅସଜଡା ଦୁନିଆ
ଏଠି ଦୁଃଖ ବି ପାଲଟୁଛି ହସ ଖୁସିର ଦରିଆ ।
ତୋ ହସ ସତେ ମୋ ପାଇଁ
ସାରା ଆକାଶର ଆନନ୍ଦ
ତୋ ଦୁଷ୍ଟାମୀ ମୋ ଅବଶିଷ୍ଟ ଆୟୁଷ
ଅପାଶୋରା ପ୍ରେମ
ତୋର ଗୁଲୁଗୁଲିଆ କଥା
ମୋର ଦିନ ଜୀବନ
ତୋର ବାବା ଡାକ ସତେ କି
ମୋର ପୁନର୍ଜନ୍ମ ।
ତୁ ଆସିବା ପରେ ହଜିଛି
ମୋର ସବୁ ଅବସାଦ ଚିନ୍ତା
ଏଠି ଲୁହ ବି ପାଲଟିଛି ସଫଳତା ।
ମୁଁ ଏବେ ସ୍ୱପ୍ନ ଦେଖୁଛି ତୋ ଆଖିରେ
ମୁଁ ଏବେ ବାଟ ଚାଲୁଛି ତୋ ସାଥିରେ
ମୁଁ ଏବେ ପାଲଟିଛି ବେତାବ ବାଦଶାହା
ତୁ ସାଥିରେ ଅଛୁ ବୋଲି କିଛି ନାହିଁ ଆଉ ଲୋଡ଼ା ।
ତୁ ଆସିବା ପରେ ପାଇଛି
ନୂଆ ପରିଚୟ ପ୍ରତିଷ୍ଠା
ଏଠି ସବୁକିଛି ଲାଗୁଛି ମୋତେ ସ୍ୱପ୍ନ ପରିକା ।