ଧୀରେ ସଖି ଝୁଲାଅ ଏ କୁସୁମ ଦୋଳି

ଧୀରେ ସଖି ଝୁଲାଅ ଏ

କୁସୁମ ଦୋଳି,

ଦେଖୁନା କି ଶ୍ୟାମ ଅଙ୍ଗେ

ପଡ଼ୁଛି ଢଳି ।(ଘୋଷା)

ଧୀରେ ସଖି ଝୁଲାଅ ଏ

କୁସୁମ ଦୋଳି....

ଲାଗୁଛି କରୁଛ ଜାଣି,

ଦେଖିବାକୁ ଆମ୍ଭ ଠାଣି ।

ଶୁଣୁଛ ତ ସବୁ ବାଣୀ

ଏକାଠି ମିଳି ।(୧)

ଧୀରେ ସଖି ଝୁଲାଅ ଏ

କୁସୁମ ଦୋଳି....

କର ଏତେ ପରିହାସ,

ଲଜ୍ଜା ହେଲାଣିକି ଶେଷ !

ଉଡ଼ି ଗଲାଣି ମୋ ବାସ

ପବନେ ଖେଳି ।(୨)

ଧୀରେ ସଖି ଝୁଲାଅ ଏ

କୁସୁମ ଦୋଳି....

ଜାଣିଶୁଣି ଚିତ୍ତଚୋର,

ମହତ ସାରନ୍ତି ମୋର ।

ଅପବାଦକୁ ମୋ ଡର

ଶମନୁ ବଳି ।(୩)

ଧୀରେ ସଖି ଝୁଲାଅ ଏ

କୁସୁମ ଦୋଳି ....

ଦେଖୁନା କି ଶ୍ୟାମ ଅଙ୍ଗେ

ପଡ଼ୁଛି ଢଳି ।

ଧୀରେ ସଖି ଝୁଲାଅ ଏ

କୁସୁମ ଦୋଳି....