କର୍ତ୍ତବ୍ୟ କରିବୁ କିଛି

         

ଧନୁଯାତ୍ରା ଦେଖି ଯାଉଅଛୁ ଆମ୍ଭେ

ଗୋପରୁ ମେଲାଣି ନେଇ ,

କେତେ ଆଦରରେ ଡାକିଛନ୍ତି ମାମୁଁ

ଅକ୍ରୁରଙ୍କୁ ରଥ ଦେଇ ।

କର୍ମ ଅବଳରୁ ମଥୁରାର ଛୁଆ

ଗୋପରେ ବଢ଼ିଲୁ ଆସି ,

ବିଭୁ କରୁଣାରୁ ବୈକୁଣ୍ଠର ସୁଖ

ଦେଲେ ଗୋପପୁର ବାସୀ ।

ଘଡ଼ି ଘଡ଼ି କେତେ ବିପଦ ଆପଦୁ

ଉଦ୍ଧରି ରଖିଲେ ହରି ,

ଚାହୁଁ ଚାହୁଁ ଏଠି ଦିନ ବିତିଗଲା

ଗୋମାତାଙ୍କ ସେବା କରି ।

ଯମୁନାର କୂଳେ କଦମ୍ବର ମୂଳେ

ଘୂରି ବୁଲୁଥିଲୁ କେତେ ,

ଗିରି ଗୋବର୍ଦ୍ଧନ ଆଉ ବୃନ୍ଦାବନ

ଆପଣାର ଥିଲେ ସତେ ।

ଯେତେଦିନ ଏଠି ଲୀଳା ଖେଳା କଲୁ

ସବୁ ପଡ଼ୁଅଛି ମନେ ,

କେତେ ସ୍ନେହ, ଶ୍ରଦ୍ଧା, ସେନେହ,ଆକଟ

କରିଛନ୍ତି ଗୋପ ଜନେ ।

ଯାଉଅଛୁ ଏବେ ଯାତ ଦେଖିବାକୁ

କର୍ତ୍ତବ୍ୟ କରିବୁ କିଛି ,

ଧରଣୀ ମାତାର ଆକୁଳ ମିନତି

ଆଗରୁ ଯା' ପାଶେ ଅଛି ।।