Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Action Drama

5.0  

ବି. ନିରୁପମା

Action Drama

ଏ ଚଗଲା ବୁଦ୍ଧି କମା

ଏ ଚଗଲା ବୁଦ୍ଧି କମା

1 min
4.9K


ଯଶୋଦା ଲୋ,ଏଣେ ଦହି ମଂଥୁଅଛୁ

ତେଣେ ଦାଣ୍ଡେ ତୋର ପୁଅ ,

ମେଞ୍ଚା ମେଞ୍ଚା ମାଟି ଖାଇ ଚାଲିଅଛି

ମାନୁନି କହିଲେ ଥୁଅ ।


ଅନ୍ୟ ପିଲାଙ୍କୁ ବି ଖୋଉଛି ଶିଖାଇ ,

ଯେମିତି ଲହୁଣୀ ହୋଇଛି ମଖାଇ ।

ମାଟି ନୁହେଁ,ତାକୁ ମାଆ, ମାଆ କହି

ଲେପୁଅଛି ସାରା ଦିହ ;

ମନାକଲେ ଯେତେ ବାହାନା କାଢୁଛି

କଥାରୁ ଧରୁଛି ଖିଅ ।


ଏଡ଼େ ସାନଛୁଆ ମଣିବୁନି ତାକୁ ,

ବୁଢାଠାରୁ ବଳି କହୁଛି କଥାକୁ ।

ଆଖି-ଠାରି ଦିଏ ହଲାଇ ମଥାକୁ

ବୁଝି ବି ଅବୁଝା ଲାଗେ ;

ତଥାପି ଅନ୍ତରେ ତାଆରି ପାଇଁକି

ଶରଧାଟି ସଦା ଜାଗେ ।


ଝପଟି ଆ' ତାକୁ ଆକଟ କରିବୁ ,

ପଛରେ ନ ହେଲେ ମୋ ଦୋଷ ଧରିବୁ ।

ମିଛ କହୁଥିଲା ବୋଲି ଗାଳି ଦେବୁ

ସହି ପାରିବିନି ଜମା ;

ଆକଟ କରିକି ଆଜିଠାରୁ ତାକୁ

ଏ ଚଗଲା ବୁଦ୍ଧି କମା ।।


ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।


Rate this content
Log in