ସିଦ୍ଧି ଦାତ୍ରୀ
ସିଦ୍ଧି ଦାତ୍ରୀ


ନମସ୍ତେ ନମସ୍ତେ ମାତ ନମୋ ସିଦ୍ଧି ଦାତ୍ରୀ
ପୂଜା ପାଉ ମାଲୋ ଯେବେ ଆସେ ନବରାତ୍ରୀ ।
ପଙ୍କଜ ବାସିନୀ ମା ' ଲୋ ପଞ୍ଚାସ୍ୟ ବାହୀନି
ଅନନ୍ତ ଅତୁଳ ବିଭା ବିଭୁତି ଦାୟିନୀ ।
ଧନ୍ୟ ଧନ୍ୟ ଲୋ ଜନନୀ ଧନ୍ୟ ତୋ ମହିମା
କେହୁ ଅବା ବର୍ଣି ପାରେ ତୋର ଗୁଣ ସୀମା ।
ବିଶ୍ଵ କର୍ତ୍ତ୍ରୀ ଭାବେ ତୁ ଲୋ ବିଶ୍ୱକୁ ନିର୍ମାଣ
କରି ପାଳୁ , ସର୍ବ ଜୀବେ ଭରି ସ୍ନେହ ପ୍ରେମ ।
ବିଦ୍ୟା, ବୁଦ୍ଧି, ସିଦ୍ଧି, ଜ୍ଞାନ , ବୈଭବ ସଂପନ୍ନ
ହୁଅନ୍ତି ମାନବ , ମାନେ କରି ତୋ ପୂଜନ ।
ଜୟ ଜୟ ଆଦି ମାତ ମହା ସିଦ୍ଧି ଲାଭ
ତୋର ସୁପ୍ରସନ୍ନେ ମିଳେ , ଅତୁଳ ବିଭବ ।
ତୁହି ମହା ମ।ୟୀ କରୁ ଭକତ କଲ୍ୟାଣ
ଭକ୍ତି ଭରେ ଉପାସନା ବିଧି ଓ ବିଧାନ ।
ପାଳନ , କରି , ଯେ ଜନ ପୂଜା କରେ ତୋତେ
ମହା ମାୟି , ସୁପ୍ରସନ୍ନ ତାକୁ ଅବିରତେ ।
ହୋଇ ବର , ଦେଇ ଥାଉ , ଆଲୋ ସିଦ୍ଧି ଦାତ୍ରୀ
ଅନାଦି , ପରମ ବ୍ରାହ୍ମୀ , ତୁ ଲୋ ମହା ଗୌରୀ ।
ଚତୁର୍ଭୁଜା , ଶକ୍ତି ସ୍ୱରୂପା ଗୋ ମାତା ,ସିଂହ
ବାହନ , ତୋହର , ତେଜ ଆହାକି ସୁଦିବ୍ୟ ।
ନବ ରାତ୍ରୀର ଅନ୍ତିମ ପର୍ଯ୍ୟାୟରେ ପୂଜା
ଲଭୁ ତୁହି ଲୋ ଗୋଲାପୀ ବର୍ଣ୍ଣରେ ତୋ ଶ୍ରଦ୍ଧା ।
ଶୁଦ୍ଧ ପବିତ୍ର ଉତ୍ସାହ ଜାଗୃତି ଭଣ୍ଡାର
ପରିପୂର୍ଣ୍ଣ। ଥାଉ ତୁ ଲୋ ମାତ ନିରନ୍ତର ।
ଅର୍ଦ୍ଧ ନାରୀସ୍ୱରର ତୁ ଅନନ୍ୟ ଦୃଷ୍ଟାନ୍ତ
ଶଙ୍ଖ ଚକ୍ର ଗଦା ପଦ୍ମରେ ଚତ୍ୱାର ହସ୍ତ ।
ଶୋଭା ପାଇଥାଏ ମା ଗୋ ସିଦ୍ଧି ଦାତ୍ରୀ
ଅଷ୍ଟ ସିଦ୍ଧି , ଅଷ୍ଟ ନିଧି , ପ୍ରଦାୟକ ତୁହି ।
ନମସ୍ତେ ନମସ୍ତେ ମାତ ନମୋ ସିଦ୍ଧି ଦାତ୍ରୀ
ତୋ ସେବାରେ ଆସାଧ୍ୟକୁ ଅନାୟାସେ ସାଧି ।
ଲଭନ୍ତି ଭକତି କରି ଜନେ ଦିବ୍ୟ ଫଳ
କୃପା କଲେ କରୁ ତୁ ଲୋ ଅଶେଷ ମଙ୍ଗଳ ।
ପ୍ରଣାମ ଘେନ ଲୋ ମାତା ମହା ସିଦ୍ଧି ଦାତ୍ରୀ
ଭକ୍ତି ଭରେ ତୋ ଚରଣେ ଜଣାଏ ପ୍ରଣତି ।