ଜନ୍ମାଷ୍ଟମୀ

କୃଷ୍ଣ  ପକ୍ଷରେ  ଭାଦ୍ରବ ମାସର

ଜନ୍ମାଷ୍ଟମୀ  ତିଥି  ଜନ୍ମ  ପ୍ରଭୁର

ଜନ୍ମ ମର୍ତ୍ତ୍ୟ ଧାମେ ସେ ନିରାକାର 

ଧରି ନର ରୂପ ଦେବକୀ ଗର୍ଭେ ସେ

ପାପୀ ନାଶ ପାଇଁ ଜନ୍ମ ଯେ

ମାରିବେ ଲମ୍ପଟ ମାତୁଳ କଂସକୁ

ମାତାଙ୍କୁ କରିଛି ବନ୍ଦି ଯେ !!

ବନ୍ଦି  କରିଅଛି  ପିତାକୁ  ତାର

ରାଜା ଉଗ୍ରସେନ ନାମ ତାଙ୍କର 

ରାକ୍ଷସ ପ୍ରବୃତ୍ତି ଅଟେ  କଂସର

ଦଣ୍ଡିତ କରିଛୁ ସଦା ଭକ୍ତଙ୍କୁ ସେ

ନାହିଁ ଧର୍ମ ଜ୍ଞାନ ତା'ର ଯେ

ସ୍ବାମୀ ଭଉଣୀର ବସୁଦେବ ଙ୍କୁ

ବନ୍ଦି କରି ରଖି ଅଛି ଯେ !!

କାହ୍ନୁ ଆସୁଛିରେ ମର୍ତ୍ତ୍ୟ ଭୁବନ

କରିବ ସେହୁ ପାପୀ ବିନାଶନ

ଘଢଘଢି ଶବ୍ଦ କରେ ଗର୍ଜନ

ଅମୃତ ର ଧାରା ବର୍ଷାର ରୂପେ ସେ

ଦେବକୀ ଗର୍ଭରୁ ଜନ୍ମ ଯେ

ଘନ ଅନ୍ଧକାର ଦିଶେ ଜନ ଶୁନ୍ୟ

କାରା ଗୃହରେ ଆଲୁଅ ଯେ !!

ନରନାରୀ ତହିଁ ଅତି ଆତୁର

କାହ୍ନୁ ଆସୁଛନ୍ତି ଖୁସି ତାଙ୍କର 

ନୈବେଦ୍ୟ ଭରି ଅଛି ମନ୍ଦିର

ଜନ୍ମ ହେବେ ବୈକୁଣ୍ଠ ଠାକୁର ସେ

ଶଙ୍ଖ ହୁଳହୁଳି ପଡ଼େ ଯେ

ଘଣ୍ଟ ଓ ମୃଦଙ୍ଗ ବାଜେ ତାଳେତାଳେ

ପୁଷ୍ପ ବୃଷ୍ଟି ହୁଏ ସ୍ବର୍ଗୁ ଯେ !!