Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

ବି. ନିରୁପମା

Drama Romance


5.0  

ବି. ନିରୁପମା

Drama Romance


ଯୁଗ୍ମ କବିତା

ଯୁଗ୍ମ କବିତା

1 min 465 1 min 465

...୧...

ଏହି ଉପାୟଟି କର



ଏତେ ଚିନ୍ତାଗ୍ରସ୍ତ ନ ହୁଅ ଗୋ ରାଣୀ

ମୋ ଦେହ ଅସୁସ୍ଥ ବୋଲି ,

କଲଣି ତ ସବୁ ଉପଚାର ମୋର

ନିଜ ଭୋକ ଶୋଷ ଭୁଲି ।


ଏଡ଼େ ସହଜରେ ଯିବନି ଏ ପୀଡ଼ା

ଅଛି ଏକ ପ୍ରତିକାର ,

ଅଚିରେ ଆରୋଗ୍ୟ ହେବି ମୁଁ ସେଥିରେ

ଏହି ଉପାୟଟି କର ।


ତୁମ ଚରଣର ରେଣୁ ଟିକେ ଆଣି

ମୋ ଶିରରେ ଦିଅ ବୋଳି ,

ସେତିକିରେ ମୁହିଁ ସୁସ୍ଥ ହୋଇଯିବି

ଚାହୁଁ ଚାହୁଁ ଆଗଭଳି ।


ବିନା କ୍ଳେଶରେ ମୁଁ କରିପାରିବି ଗୋ

ପୂର୍ବଭଳି ନିଜ କାର୍ଯ୍ୟ ,

ତୁମରି ମଧ୍ୟରୁ ଯେ ଦେଉଛ ଦିଅ

ସଅଳ ଯେ ପଦରଜ ।।


...୨...

ବୁଡ଼େଇବ ଆମ ଭେଳା



ଏ କି କଥା ତୁମେ କହୁଅଛ ନାଥ

ପଦ ରଜ ଦେବୁ ଶିରେ ,

ଜାଣିଶୁଣି ଘୋର ପାପ ଅରଜିବୁ

ପଡ଼ିବୁଟି ନରକରେ ।


ଏ ଅଧର୍ମ କଥା କହୁଅଛ କିଆଁ

କିବା କାର୍ଯ୍ୟେ କଲୁ ହେଳା ,

ଶରଣ ରକ୍ଷଣ ହୋଇକରି ନାଥ

ବୁଡ଼େଇବ ଆମ ଭେଳା ।


ଦୁନିଆବାସୀଙ୍କ ରୋଗ,ଦୁଃଖ, ଶୋକ

ନାଶ କରୁଅଛ ତୁମେ ,

ତୁମ ତନୁ ପୀଡ଼ା ହରିବାକୁ କିବା

ସଫଳ ହୋଇବୁ ଆମେ !


ଆଉ କିଛି ତା'ର ପ୍ରତିକାର ଥିଲେ

ବତାଇ ଦିଅନ୍ତୁ ସାଇଁ ,

ନିଶ୍ଚେ ଆମେ ସେଇ ଉପାୟ କରିବୁ

ତୁମରି ଆରୋଗ୍ୟ ପାଇଁ ।।


ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।


Rate this content
Log in

More oriya poem from ବି. ନିରୁପମା

Similar oriya poem from Drama