ଆଉ-ହେବନି କଷ୍ଟ

ଆସ ଆସ ପାରା ଗୁଡ଼ିକ 

ମୋର-ପାଖରେ ବସ ,

ଖାଇବାକୁ ଦେବି ତୁମକୁ 

ମୁହିଁ-ଆଣିଛି ଶସ୍ୟ ।

ଶରଧାରେ ଦେବି ଆଉଁଶି 

ଧରି-ନେବିନି ଜମା,

ତୁମ ସାଥେ ମିତ ବସିବି 

ଡରି-କରନା ମନା ।

ବାପାଙ୍କୁ କହି ମୁଁ ତୁମରି

ଲାଗି-ତୋଳିଛି ଘର ,

ମାଆ ବି କହିଛି ସୁରକ୍ଷା

ଏଠି-ହେବ ତୁମର ।

ଘୁମୁ ଘୁମୁ ଗୀତ ବୋଲିଲେ

ଆମେ-ଶୁଣିବୁ ମିଶି,

କୁନିଛୁଆ ଖଣ୍ଡିଉଡ଼ାଟି

ଦେଖି-ହୋଇବୁ ଖୁସି ।

ତୁମ ନାଚ କୁଦ ଆନନ୍ଦ

ଦେଖି-ପଢ଼ିବି ପାଠ ,

ସମୟଟି ଯିବ ସଅଳ

ଆଉ-ହେବନି କଷ୍ଟ ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।