ମୋର କୋହର ଚିଠି

ମନେ ଭାବୁ ପରଂବ୍ରହ୍ମ ବିଶ୍ୱ ବ୍ରହ୍ମାଣ୍ଡର 

ସେ ତ ବୈଭବ ଠାକୁର ମନ୍ଦିର ଭିତର |୧|

ଦେଖ ପ୍ରତିଦିନ ସେଠାର ବ୍ୟବହାର

ଶାନ୍ତି ମିଳିବନି ସେଠି ଚାଲେ ବେପାର |୨|

ହୃଦୟ କାଗଜେ ଆଜି ଲୁହରେ ଲେଖୁଛି 

ଅର୍ଥ ଏକା ସମାଜେ ତ ସର୍ବସ୍ୱ ହୋଇଛି |୩|

ମଣିଷ ମଣିଷେ ନାହିଁ ଆଉ ସ୍ନେହ ଭାବ

କାହୁଁ ପାଇବା ପବିତ୍ର ଶୁଦ୍ଧ ମନୋଭାବ |୪|

ଠିକଣା ବିହୀନ ହୋଇଛି ମଣିଷ ଜୀବନ

ସେନେହ ପ୍ରୀତି ହୋଇଛି ପରା ସାତ ସପନ |୫|

ହାୟରେ କି ହୋଇଛି ଏଇ ସହରୀ ଜୀବନ 

ମିଛ ଗରବରେ ଫୁଲିଉଠେ ଖାଲି ଆମ ମନ |୬|

ଜୀବନ ଧାରାରେ ନେବାକୁ କିଛିଟା‌ ନିଃଶ୍ବାସ 

ବିକା କିଣା କିଣିବାକୁ ତ ହୁଏ ଏଠି ବିଶ୍ଵାସ |୭|

ବିକ୍ରି‌ ହେଉଛି ଦୁନିଆରେ ତ ପାଣି ଓ ପବନ 

ରହୁଛେ ସରବେ ରୁନ୍ଧି ହୋଇ ଅଭାବ ଅକ୍ସିଜେନ୍ |୮|

ଓଁ ଶୁଭ ଲାଭ ନୀତି ସ୍ଵାର୍ଥ ବିନା ନାହିଁ କଥାବାର୍ତ୍ତା 

ଭାଇ ଭାଇ ମଧ୍ୟେ ନାହିଁ ତ ସମ୍ପର୍କ ନାହିଁ ମଣିଷତା |୯|

ପଢ଼ାପଢ଼ି କରୁ ଆମେ ଉତ୍ତମ ମଣିଷ ହେବା ପାଇଁ

ବିଦ୍ୟାଳୟ ଗଢ଼ା ହୁଏ ବେପାର ମନୋବୃତ୍ତି ନେଇ |୧୦|

କୁଟୁମ୍ବ ଭାବୁଥିଲେ ମାତ୍ର ସମ୍ପର୍କ ପରସ୍ପରେ ସାର

ଅଦୃଶ୍ୟ ହୁଏ ବନ୍ଧୁତା ସ୍ଥାନ ହୁଏ ପରା କାନ୍ଦିବାର |୧୧|

ନେତା ଭରନ୍ତି ନିର୍ବୋଧ କଳ୍ପନାଗୁଡା ଯେଉଁଠି

ମିଛ ପ୍ରତିଶ୍ରୁତିରେ ଚାଲିଛି ଚାଲିବ ରାଜନୀତି |୧୨|

ନିର୍ଗତ ଅପବିତ୍ର ଦୂଷିତ ଧୂଆଁର ଶୁଂଘୁଛେ ବାସ

ମନ ମଧ୍ୟେ ଭରିଅଛି ଅନେକ ବିଷାକ୍ତ ଭାଇରସ୍‌ |୧୩|

ସବୁଠିଁ ଅଛି ଖାଲି ବଞ୍ଚିବା ମରିବା ର ଭୟ 

ଦୁର୍ମୂଲ୍ୟ ଏଠି ସ୍ନେହ ଶାନ୍ତିର ପବିତ୍ର ନିଳୟ |୧୪|

ଏହା ଦେଖି ଦେଖି ମନଟି କୋହରେ ଭରିଛି ଅତି  

ଏଇ ମୋର କୋହର ଚିଠି ଏଇଠି କରୁଛି ତା ଇତି |୧୫|