ଉତ୍କଳର ଦକ୍ଷ ଉତ୍ତରାଧିକାରୀ ଗୌତମ ଦାସ
ଉତ୍କଳର ଦକ୍ଷ ଉତ୍ତରାଧିକାରୀ ଗୌତମ ଦାସ
ସଂଘର୍ଷରେ ଗଢା ଆମ ଜାତି ଇତିହାସ
ଜାତିପ୍ରେମେ ବିପ୍ଳବୀ ପ୍ରାଣର ଉଚ୍ଛ୍ୱାସ।
ଏ ମାଟି ଓ ଭାଷା ନିଜ ଅସ୍ତିତ୍ୱ ସକାଶେ
ଆପ୍ରାଣ ଉଦ୍ୟମ ଭାଷା ସ୍ୱତନ୍ତ୍ରର ଆଶେ ।
ଓଡିଆ ଅସ୍ମିତା ପାଇଁ ଜୀବନ ଯେ ଦେଲେ
ପୂର୍ଣ ସମର୍ପଣେ ବୀର ପୁତ୍ର ଲଢିଥିଲେ।
ସମୁହ ପ୍ରଚେଷ୍ଟା ସଫଳତା ଘେନିକରି
ନୂତନ ପ୍ରଦେଶ ହେଲା ଭାଷା ଭିତ୍ତିକରି ।
ଅଭିଯାନେ ଭାରତୀୟ ଭାଷା ଅଗ୍ରସର
ଜାତୀୟ ସମ୍ମିଳନୀ ଓଡିଆ କବିଙ୍କର ।
ଆରମ୍ଭିଲେ ଚୁଡାମଣି ଶଶାଂକ ଶେଖର
ପ୍ରକୃତି ପ୍ରେମୀ କବିତା ଚିଲିକାର ତୀର ।
ପରେ ଗୁରୁ ଶ୍ରୀ କଲ୍ୟାଣ କବି ମହାପାତ୍ରେ
ଗଣପତି ଭକ୍ତି ଭାବ କବିତାର ସୂତ୍ରେ ।
ସୌରମଣ୍ଡଳ ବିଷୟବସ୍ତୁ ତତପରେ
ରକ୍ଷକ ନାୟକ କବି ଜହ୍ନ କବିତାରେ ।
ମଧ୍ୟେ ଅଧିବକ୍ତା ଶ୍ରୀ ଗୌତମ ଙ୍କ ପ୍ରବେଶ
ଭାଷା ସାହିତ୍ୟ ଆକାଶେ କବି କୂଳ ଦାସ ।
ଭକ୍ତି ରସେ କବିତା ମାତା ଙ୍କ ପାଠ କଲେ
ମହାମାରୀ ସମାପ୍ତିର ପ୍ରଣତି ଢାଳିଲେ ।
ସୁଶ୍ରୀ ସୁନୀତି କବିତ୍ରୀ ବିଷୟ କରୁଣା
ଫୁଟାଇଲ କାବ୍ୟେ ନାରୀ ହୃଦୟ ଜନ୍ତ୍ରଣା ।
ଝିଅ ପ୍ରତି ଜଣା କିଛି ଅନ୍ୟାୟ ଅଜଣା
ପୁରୁଷ ଜାତିକୁ ଦେଲ କଲମେ ମନ୍ତ୍ରଣା ।
କବି ସୂର୍ଯ୍ୟ ମିଶ୍ର କାବ୍ୟ ସାହିତ୍ୟ ଆଦରି
ନବ ଉତ୍କଳର ଭବ ଉତ୍ତରାଧିକାରୀ ।
ଅଧ୍ୟାପିକା କବିତ୍ରୀ ସେ ସ୍ନହଲତା ପୃଷ୍ଟି
କାବ୍ୟେ ଦେଲ ଆଇନ ଓ ଭାଷା ଜ୍ଞାନ ଯଷ୍ଟି ।
ପଂକ୍ତି ଫକୀର ମୋହନ ଗର୍ବେ ଉଚ୍ଚାରିଲ
ଦେଶପ୍ରେମେ ସ୍ୱକାବ୍ୟ ଯେ ମଣିଂକୁ ଅର୍ପିଲ ।
କଲ ଅଧିବକ୍ତା କବି ମିଶ୍ର ଗଜାନନ
କରୁଣା ଦୁଃଖ ଆରତ ବିଷୟରେ ଗାନ ।
କବି ନିରାକାର ଦେଲ ବିପ୍ଲବ ହୁଂକାର
ବୈସୟିକ ବିକାଶ ବିଷର କାବ୍ୟାକାର ।
ଆତ୍ମହତ୍ୟା ଆଲୋକର ମୃତ୍ୟୁ ଯେ ମାଟିର
ମାନବିକ ମୂଲ୍ୟବୋଧେ ତୁମେ ଦେଲ ଜୋର ।
ବଶିଷ୍ଟ ନାରୀ କବିତ୍ରୀ ସଂଘମିତ୍ରା ମିଶ୍ର
ପ୍ରକୃତି ଶ୍ରାବଣେ ବର୍ଷା କାବ୍ୟରେ ଅଜସ୍ର ।
ଏଇ ସମ୍ମିଳନୀ ଇତିହାସେ ଲେଖା ଥିବ
ଉତ୍ସାହ ଜନ ମାନସେ ନୂତନ ଭରୁଥିବ।
ଯୋଡିବ ବହୁ ଅଧ୍ୟାୟ ଭାଷା ସାହିତ୍ୟରେ
ସମ୍ମାନିତ ହେବେ କବି ଓଡିଶା ମାଟିରେ ।
ସମ୍ମିଳନୀ ସଂଯୋଜନେ ଉତ୍କଳ ପ୍ରସନ୍ନ
ପ୍ରଶାନ୍ତରେ ମିଶି ନବ ପ୍ରତିଭା ଯେ ମଗ୍ନ ।
ଆସ ମାତୃଭୂମି ମାତୃଭାଷା କୁ ଆଦରି
ଓଡିଆ ଭାଷା ସାହିତ୍ୟ ନିସ୍ୱାର୍ଥରେ ଧରି ।
ନିନ୍ଦା ପ୍ରଶଂସାରୁ ବର୍ତ୍ତି ଯିବା ସେବା କରି
ଆସ ଉତ୍କଳର ଦକ୍ଷ ଉତ୍ତରାଧିକାରୀ ।