Library
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ
ନା’ ଆମେ ଅଶୋକ ନା ଆମେ ମୋଗଲ
ସେ ଇତିହାସ ଆଉ ରଚିବା ନାହିଁ
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ ।
ରାମାୟଣର ଶ୍ରୀରାମ ରାବଣ
ମହାଭାରତର ଅର୍ଜୁନ ଦୁର୍ଜ’ନ
ଖେଳିଥିଲେ ହୋଲି ରକ୍ତର କାଲି
ପୋଥି ପୁରାଣରୁ ଶିଖିବା ନାହିଁ?
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ ।
ଚେଙ୍ଗିଜ ଅବା ଇଂରେଜ ହେଉ
ହିନ୍ଦୁକୋଶ କି ଜାଲିୟାନାବାଗ
କେତେ ଇତିହାସ ଲେଖା ଯେ ରକତେ
ତାର ପୁନରାବୃତ୍ତି କରିବା ନାହିଁ
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ ।
ଅଶି ଦଶକର ଶିଖ ସମସ୍ୟା
ନବେ ଦଶକର କାଶ୍ମୀର ପରା
ରକତରେ ଲାଲ ମାଟି ମା’ ଭାରତୀ
ସେ ଷଡଯନ୍ତ୍ରରେ ପଡିବା ନାହିଁ
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ ।
କେତେ ରଙ୍ଗ ଆମ ଭାରତ ଭୂମିର
କନ୍ୟାକୁମାରୀ ଠାରୁ କାଶ୍ମୀରର
ଜାତି ଧର୍ମ ସଂପ୍ରଦାୟ ନାନା ରଙ୍ଗ
ରଙ୍ଗ ରକତରେ ବୋଲିବା ନାହିଁ
ରକ୍ତର ହୋଲି ଖେଳିବା ନାହିଁ
ରକ୍ତର ହୋଲି ଖେଳିବା ନାହିଁ ।
ଭାରତର ସ୍ରାଂପ୍ରତିକ ଘଟଣାକୁ ନେଇ
ମନରୁ ପଦେ…
