ଲାଇବ୍ରେରୀ
ପ୍ରୋଫାଇଲ୍
ଦାନ୍ତ ବଥା
ଦାନ୍ତ ବଥା
ସାରା ରାତି ପାରିନି ଶୋଇ
ପାଇ ଦାନ୍ତ ବଥା
କାନ୍ଦି କାନ୍ଦି ଘର ଲୋକଙ୍କୁ
କରି ଦେଲାଣି ଅଥା
ମୁହଁ ଶୁଖାଇ ବସିଛି
ଦେଇ ଗାଲରେ ହାତ
ନେଇ ପାରୁନି ପାଟିକି
ପାଣି ଟିକିଏ କି ଗଣ୍ଡିଏ ଭାତ
ଲଗାଇ ଲବଙ୍ଗ ତେଲ
ଦେଉଛି ଗରମ ସେକ
ତଥାପି କମୁନି ଦରଜ
ଦରଜ ଡରେ ପୁଣି ଲାଗୁନି ଭୋକ
ବାପାଙ୍କ ସହ ଗଲାଣି
ଗାଁ' ଡାକ୍ତର ଖାନା
ସେଠିକାର ଦାନ୍ତ ଡାକ୍ତର
ସମ୍ପର୍କ ରେ ତା ନନା
ଜାଣିଛନ୍ତି ସେ ଦରଜର
ଅସଲ କାରଣ
କହିଲେ ଦେଖି, ମୁରୁକି ହସି
କେତେ ବୁଝାଇ କରିଥିଲି ବାରଣ
କଥା ମୋର ନ ମାନିଲୁ
ଅଯଥା କଷ୍ଟ ଭୋଗିଲୁ
ତାରି ଦଣ୍ଡ ଯେ ଭୋଗିବୁ
ଲେଖିଛି ଔଷଧ ଏବେ ଖାଇବୁ
ପାଟି ଫିଟାଇ ଦେଖିଲେ ଡାକ୍ତର ବାବୁ
ବଡ଼ ସହଜ ଏ ପୋକଙ୍କୁ କରିବା କାବୁ
ପୋକ ଖାଇ ଦେଲେଣି ଦାନ୍ତ ଯେତେ
ଖାଇଲୁ ଯୋଉ ଚକେଲେଟ ଏତେ
ଘଷିଲୁ ନାହିଁ ଦାନ୍ତ କେବେ
କି ଖାଇ ସାରି ନ କଲୁ କୁଳି ଯେବେ
ଏ ପୋକ ହେଇ ସେଇଠି ଜାତ
ଦାନ୍ତ ସବୁକୁ କଲେଣି ଆହାତ
କାନ୍ଦ କାନ୍ଦ ହୋଇ କୁହେ ବାବୁ
ହେଇ ପାରିବ କି ପୋକଙ୍କ ଉପରେ କାବୁ
କଷ୍ଟ ପାଇ ହେଲିଣି ଅଥା
ମାନିବି ଏବେ ବଡ଼ଙ୍କ କଥା
ପ୍ରତିଦିନ ଘଷିବି ଦାନ୍ତ
ଚାଲିଯିବେ ସବୁ ପୋକ ହୋଇ କ୍ଲାନ୍ତ
ଖାଇସାରି କରିବି କୁଳି
ରହିବନି ଦାନ୍ତରେ ମଳି
ଚକଲେଟ ପାଇଁ କରିବିନି ଅଳି
ଆଗଭଳି ହୋଇଯିବେ ମୋ ଦାନ୍ତ
କଷ୍ଟ ରୁ ମୁକୁଳି ହେବି ମୁଁ ବି ଶାନ୍ତ
ନେବି ଯତ୍ନ ଦାନ୍ତର ସୁଚାରୁ ରୁପରେ
ଡରିଯାଇ ପୋକ ସବୁ ରହିବେ ଦୂରରେ
