ଲାଇବ୍ରେରୀ
ପ୍ରୋଫାଇଲ୍
ଆସିଛି ବରଷା
ଆସିଛି ବରଷା
ଚାଷୀ ଭାଇର ସେ ଯେ ବଡ଼ ଭରସା
କରିବ ଆରମ୍ଭ ସିଏ ଚାଷ
ମୁଖେ ଫୁଟାଇ ହସ
ଶୁଷ୍କ ମୃତ୍ତିକା ହେଲାଣି ଓଦା
ବିଲରୁ ହଟାଇ ଅନାବନା ବୁଦା
ଫସଲ ପାଇଁ ଚାଲିଛି ବିହନ ବୁଣା
ଖୋଜୁଛି ଗୋପାଳ
ଚାରିବାକୁ ଯାଇ ତା'ବଳଦ
ହୋଇଛି ବାଟବଣା
ପାଇ ବରଷା ପାଣି ବୁନ୍ଦା ଛେଚ
ଥୁଣ୍ଟା ବୃକ୍ଷ ବି ହେଲାଣି ସବୁଜ
ରଙ୍ଗ ବିରଙ୍ଗ ଫୁଲେ
ଆଉ ନାନା ରକମ ଫଳେ
ଝୁଲି ଝୁଲି ହସିବ ସିଏ
ନେଇ ଖୁସିରେ ଫୁଲ ଫଳ ଡାଳେ
ଖୁସିରେ ନାଚିଲାଣି ପିକ
ନାଚି ନାଚି ସାଙ୍ଗସାଥୀଙ୍କୁ ଦିଏ ଡାକ
ଭସାଇଲେଣି କାଗଜ ଡଙ୍ଗା
ପିଲାଏ ଗାଁ'ଯାକ
ପୋଖରୀ ତୁଠେ ବେଙ୍ଗ ବେଙ୍ଗୁଲି କେ କଟର
ଚାଲିଛି ଘରେ ଘରେ ଭଜା ଚଣା ମଟର
ଉପରେ ପାଣି ଢଳ ଢଳ ତଳେ ସାରୁ ପତର
ମୁଷଳ ବରଷା ଦେଖି ଘରଚଟିଆ ହୁଏ କାତର
ଓଦା ମାଟିରେ ନାଲି ଡୁଗୁ ଡୁଗୁ ସାଧବ ବୋହୂ
ଛାତରେ, କା' କା' କରି ରାବଇ କାଉ
ହେଲାଣି ବେଳ, ବିଳମ୍ବ ନ କର ଆଉ
ପଢିବା ପାଠ ,ବାକି ଖେଳ କାଲି ପାଇଁ ରହୁ
ବରଷା ଟିକେ ଗଲାଣି ଛାଡି
ବଉଦ ତଳୁ ମୁହଁ ଟି କାଢ଼ି
ଇନ୍ଦ୍ରଧନୁ ଟିଏ ଆକାଶେ ଦେଲାଣି ବୁଣି
ହେଲାଣି ଢାଙ୍କି ପୁଣି ବାଦଳ ଖଣ୍ଡିଏ ଆଣି
ବରଷା କୁ ପାଇ ହସେ କ୍ଷେତ
ଅଟଇ ସିଏ ସଭିଙ୍କ ମିତ
ତା'ଯୋଗୁଁ ହୁଅଇ ଜୀବନ ସଂଚରିତ
ତା' ବିନୁ ନା ରହିବେ ଜୀବ
ନାଁ ରହିବ ଆମରି ଏ ଜଗତ ।
