ଶୀତ ର ଆଗମନ
ଶୀତ ର ଆଗମନ
ଶୀତ ଲୋ ତୁ ଆସୁ
ଅଳସୀ କନ୍ଯା ର
ଗୁଣ୍ଠୁଣି ଚାଲିରେ ,
ସଧବା ବୋହୂର
ପ୍ରାତ ସ୍ନାନରେ ।।୧।
ଶୀତ ଲୋ ତୁ ଆସୁ
ମଗୁଶିର ମାସ ଗୁରୁବାର
ମାଣବସା ଘରେ ,
ମା' ର ଝୋଟି ଚିତା ଆଉ
ମଣ୍ଡା ପିଠାରେ ।।୨।
ଶୀତ ଲୋ ତୁ ଆସୁ
ଖୋଲା ପ୍ଲାଟଫର୍ମ ତଳେ
ଗଡୁଥିବା ବିବୁକ୍ଷୁ ଦେହରେ,
ଅଶି ବରଷ ବୁଢା ର ଖୁଁ ଖୁଁ କାଶ
ଆଉ ରୋମ ଟାଙ୍କୁରାରେ ।।୩।
ଶୀତ ଲୋ ତୁ ଆସୁ
ମୁହଁ ପୋତି ଛିଡାଥିବା
ପାଚିଲା ଧାନ କ୍ଷେତରେ ,
ହଳଦୀ ଗୁରୁ ଗୁରୁ
ସୋରିଷ ବିଲରେ ।। ୪।
ଶୀତ ଲୋ ତୁ ଆସୁ
ଚାଷୀ ଭାଇ ଗଳାର
ସୁରେଲି ମୂର୍ଚ୍ଛନାରେ,
ସଂଜ ଓ ସକାଳ ର ଗରମ ଚା ର
ଗରମ ପ୍ୟାଲିରେ ।।୫।
ଶୀତ ଲୋ ତୁ ବାହୁଡିଯାଉ
କୋଇଲିର କୁହୁ କୁହୁ ତାନେ
ବସଂତ ର ଉପହାର ଦେଇ,
ଫଗୁ ଅଭିର ର ସୁନେଲି
ରଂଗ ମାଖି ଦେଇ ...।।୬।