ଖବରକାଗଜ

ନାମଟି ମୋହର ଖବରକାଗଜ,  

                       ମୋ  ପାଇଁ ଜାଗ୍ରତ ଆଜିର ସମାଜ ।

ଦେଶ ବିଦେଶର ପ୍ରମୁଖ ଖବର,               

                       ଭରି ରହିଥାଏ ସାରା ମୋ ଶରୀର ।

 

ରାଜନୀତି ହେଉ ଅବା ଅର୍ଥନୀତି,                                                                 

                             ଖବର ପ୍ରକାଶନ କରେ ମୁଁ ନିତି ।

ଖେଳ,ସାହିତ୍ୟ ଆଉ ମନୋରଞ୍ଜନ,        

                            ତା' ସହିତ ଥାଏ ଜ୍ଞାନ ଓ ବିଜ୍ଞାନ।

 

ମୋତେ ସଙ୍ଗେ ଧରି ହକର ବୁଲଇ,         

                             ସକାଳୁ ସଭିଏଁ ଥାଆନ୍ତି ଅନାଇ।

ପିଲାଠାରୁ ବୁଢା ମୋ ପାଇଁ ପାଗଳ,  

                       ନପଢିଲେ ଥରେ କଟେ ନାହିଁ ବେଳ।

 

ନିରପେକ୍ଷ ଭାବେ ଛାପେ ମୁଁ ଖବର,  

                           ମନରେ ନଥାଏ ଭୟ ଅବା ଡର।

ମୋ ଖବର ପଢି ଚରଚା ସବୁଠି,         

                      ଯେଉଁଠି ଚାହେଁ ମୁଁ ପହଞ୍ଚେ ସେଇଠି ।

 

ଗଣତନ୍ତ୍ରର ଅଟେ ଚତୁର୍ଥ ସ୍ତମ୍ଭ,                 

                          ଭ୍ରଷ୍ଟ ଅଧିକାରୀଙ୍କ ଭାଙ୍ଗଇ ଦମ୍ଭ ।

ସଂପାଦକୀୟ ର ହୁଏ ଆଲୋଚନା,       

                       ତାଯୋଗୁଁ ହୁଏ ମୁଁ ଶ୍ରେଷ୍ଠ ବିବେଚନା।