ଆମ ବିଦ୍ୟାଳୟ

ବିଦ୍ୟାଳୟ ଏକ ବିଦ୍ୟା ମନ୍ଦିର 

        ଗୁରୁଜୀ ମାନେ ଚଳନ୍ତି ଠାକୁର ।

ଆମ ବିଦ୍ୟାଳୟ ଭାରି ସୁନ୍ଦର 

        ତା' ନାଆଁ ଲାଗଇ ଅତି ମଧୂର ।

ଏଇଠୁ ଆରମ୍ଭ ପ୍ରଥମ ଦୀକ୍ଷା 

        ଆଗେ ବଢିବାକୁ ମିଳଇ ଶିକ୍ଷା।

ବିଦ୍ୟାଳୟ ଅଟେ ଜ୍ଞାନ ଭଣ୍ଡାର 

        ତା' ଯୋଗୁଁ ହୁଏ ଜୀବନ ସାକାର।

ଗୁରୁ-ଗୁରୁମା ଦେବତା ସମାନ 

        ତାଙ୍କ ଆଶିଷେ ସଫଳ ଜୀବନ।

ତାଙ୍କ କଥା ସଦା ପ୍ରେରଣାଦାୟୀ 

        ସମାଜ ପ୍ରତି ସେ ଉତ୍ତରଦାୟୀ ।

ବିଦ୍ୟାଳୟ ଆଗେ ଫୁଲ ବଗିଚା 

        କ୍ଷଣେ ବସିବାକୁ ସଭିଙ୍କ ଇଚ୍ଛା ।

ସ୍କୁଲ୍ ପଛ ପଟେ ଖେଳ ପଡିଆ 

       ଖେଳିବାକୁ ସେଠି ଲାଗେ ବଢିଆ ।