କାକରା ପିଠା

ମଉଜେ ନାଚନ୍ତି ଲିସି ଲିପି

   ନୂଆଁ ଜାମାକୁ ପିନ୍ଧି

ମୁଖ ଶୋହେ ଟିପି ଚନ୍ଦନେ 

   ପାଦରେ ପାଉଁଜି ବାନ୍ଧି l

ଗାଁ ରୁ ସହର ହାଟବଜାର

   ସବୁଠି ଲାଗେ ଗହଳି

ପରବ ଦିନେ ବନ୍ଧୁ ବାନ୍ଧବ

   ସଭିଏଁ ହୁଅନ୍ତି ମେଳି l

ଲିପିର ମନ ରୋଷେଇ ଘରେ

  ମା କରୁଛନ୍ତି ପିଠା

ନରମ ଗରମ କାକରା ପିଠା

  ଲାଗଇ ଭାରି ମିଠା l

ମା ପାଖରେ କରିଲେ ଅଳି

  ଗୋଟିଏ ପିଠା ପାଇଁ

ମଙ୍ଗଳାଙ୍କ ପାସେ ଭୋଗ ହୋଇଲେ

  ଖାଇବ ଖୁସି ହୋଇ l

ଲିପି ଲିସିତ ଭାରି ଅଧୀର

  ଆଣିଲେ ଚୋରି କରି

ଗୋଟିଏ ପିଠା ଆମେ ଦୁଇ

  ଖାଇବା ଭାଗ କରି l

ଦୁଇ ଜଣଙ୍କ ଲାଗିଲା କଳି

  ପୁଷିମାଉସୀ ଥିଲା ଚାହିଁ

ପିଠାକୁ ଧରି ମାରିଲା ଡିଆଁ

  ଦୁହେଁ କାନ୍ଦିଲେ କଇଁ କଇଁ l