ପଖାଳ

ଓଡିଆ ପଣର ମହକ ଯେଉଁଠି 
ପଖାଳ କଂସାର ଆଦର ସେଇଠି l

ରବିର ତେଜେ ତପତ ଧରା 
ପଖାଳ ବାଢିଦିଏ ଶୀତଳ ପସରା l

ଗାଁ ଗହଳି ଠାରୁ ଯେ ସହର 
ପଖାଳ ହେଉଛି ଏକତା ସ୍ୱର l

କିଧନୀ ଗରିବ ପ୍ରିୟ ସଭିଙ୍କର 
ପଖାଳ ଶିଖାଏ ବାର୍ତ୍ତା ସମାନତାର l

ଶାଗଭଜା, ବଢ଼ିଚୁରା, ଲଙ୍କା ଲୁଣ ସାଥେ 
ଦହିପଖାଳ ଅମୃତ ସ୍ୱାଦ ଜୀବନ ପଥେ l

ଓଡ଼ିଆଙ୍କ ପ୍ରାଣ ମହାପ୍ରଭୁ ଜଗନ୍ନାଥ 
 ସରାଗେ ଭୁଞ୍ଜେ ପଖାଳ ଭାତ l

ମାଟିର ସୁଗନ୍ଧେ ଭରା ଓଡ଼ିଆଙ୍କ କଥା 
ସୁନ୍ଦର ସଂସ୍କୃତି ପରମ୍ପରା ଅମର ଗାଥା l