Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lata Behera

Abstract Children

4  

Lata Behera

Abstract Children

ଯୌଥ ପରିବାର

ଯୌଥ ପରିବାର

2 mins
391



ଯୌଥ ପରିବାର ବହୁତ ସୁନ୍ଦର 

     କିଏ ହେବ ତାହା ପରି

ସ୍ନେହ ମମତା ଝର ଝରେ ନିରନ୍ତର 

      ଖୁସି ଥାଏ ଅସୁମାରୀ ।

ବାପା ଜେଜେ ବାପ ଦାଦା ଖୁଡି ବବା

     ବଡମା' ଥାଆନ୍ତି କେତେ

ଏକିଠି ବସନ୍ତି ଏକାଠି ଗପନ୍ତି

     ମଉଜ କରନ୍ତି କେତେ ।

କରି ହସ ଖୁସି ଥାନ୍ତି ମିଳିମିଶି 

      ଚଳନ୍ତି ଭାରି ସୁନ୍ଦର 

ମିଳିମିଶି କାମ ପାଇଟି କରନ୍ତି 

      ରହେ ନାହିଁ ମତାନ୍ତର ।

ଡକା ଡକି ହେଇ ସକାଳୁ ଊଠନ୍ତି

     ବାସି କାମକୁ କରନ୍ତି 

ଛେରା ପାଣି ପକେଇଣ ଦିଏ କିଏ

     ଦାଣ୍ଡ ଦୁଆର ଓଳାନ୍ତି ।

ଚୁଲି କେ ଲିପନ୍ତି ବାସନ ମାନନ୍ତି 

     ପାଣି କାଢି ଦିଏ କିଏ

ଖୁସି ମନେ ଅଧା ବାଟିଆ କରି କେ

     କୁଣ୍ଡକୁ ଭରିଣ ଦିଏ ।

ଗୁରୁଜନ ପାଇଁ ଦାଣ୍ଡର ପିଣ୍ଡାରେ

    ପାଣି କିଏ ରଖି ଦିଏ

ସକାଳୁ ଯେ ଉଠେ ସେଇ ପାଣିରେ ସେ

    ମୁହଁକୁ ପଖାଳି ଥାଏ ।

ବାସି କାମ ସାରି କଥା ବାର୍ତ୍ତା ହେଇ

     ପୋଖରୀ ଗାଧୋଇ ଯାନ୍ତି 

କାଞ୍ଚିରେ ସେ ତେଲ ହଳଦୀ ଭରିଣ

     ସାଥିରେ ନେଇଣ ଥାନ୍ତି ।

ଦାନ୍ତ କାଠି ଭାଙ୍ଗି ଦାନ୍ତ ସେ ଘସନ୍ତି

    କେତେ ମଜାରେ ଗାଧାନ୍ତି

କାହା ପିଠି କିଏ ଘସି ଦେଇ ପୁଣି

    ହଳଦୀ ଲଗେଇ ଦ୍ୟନ୍ତି ।

ଥଟ୍ଟା ମଜା ହେଇ ସ୍ନାହାନ ସାରିଣ

     ଘରକୁ ଯେବେ ଆସନ୍ତି 

ତୁଳସୀ ମୂଳରେ ପାଣି ଦେଇ ପୁଣି

     ଠାକୁର ପୂଜା କରନ୍ତି ।

କିଏ ଚା କରେ କେ ପରିବା କାଟେ

     ଭଜା କରୁ ଥାଏ କିଏ

ପୋଡାପୋଡି କରି ଗୁଣ୍ଡ କିଏ ଚୁରି

    ଶାଗ କେ ଖରଡି ଦିଏ ।

ପୁରୁଷ ଲୋକଙ୍କୁ ଖାଇବା ଦେଇଣ

      ଅପେକ୍ଷା କରିଣ ଥାନ୍ତି 

ସେ ଖାଇ ସାରିଲେ ବଢା ବଢି କରି

     ମିଳି ମିଶିଣ ଖାଆନ୍ତି ।

ଦେଢଶୁର ଖାଇଲେ ଭାଇ ବୋହୁ କେବେ

    ସେ ବାସନ ମାଜେ ନାହିଁ      

ଦେଢଶୁର ଆସିଲେ ଓଢଣୀକୁ ଦେଇ

      ଲାଜରେ ଥାଏ ସେ ରହି ।

କାମ ସରିଗଲେ ଦିନ ଦ୍ୱିପହରେ

     ପାଲିକୁ ପକେଇ ଥାନ୍ତି 

କାଚ କଉଡି ବା ଗିଲ ପଟା ଲୁଡୁ

     ଖେଳ ବସି ଖେଳି ଥାନ୍ତି ।

ପାନ ଭାଙ୍ଗି ଦେଇ ଶାଶୁ ଶଶୁରଙ୍କୁ

    ଦେଇଣ ଆସିଣ ଥାନ୍ତି 

ସାନ ଶାଶୁ ବଡ ଶାଶୁମାନେ ପୁଣି

    ମଜା ଗପ ସେ କରନ୍ତି ।

ବଡ ପରିବାର ଥାଏ କେତେ ମଜା

    ଗପନ୍ତି ଏକାଠି ବସି

ପର୍ବ ପର୍ବାଣୀଟା ପଡି ଯାଏ ଯେବେ

    କହି ହୁଏନି ତା ଖୁସି ।

ବଛା ବଛି କରି ଲୁଗା ସେ କିଣନ୍ତି 

    ନ ଥାଏ ତ ରାଗ ରୂଷା

କେତେ ଶରଧାରେ ସ୍ନେହ ମମତାରେ

    କରୁଥାନ୍ତୁ ମିଶି ଓଷା ।

ପୁନେଇଁ ପରବ ପାଳନ୍ତି ଶ୍ରଦ୍ଧାରେ

     ରଖନ୍ତିନି ଅଭିମାନ

ମନ ମାଳିନ୍ୟ ଯଦି ହେଇଥାଏ କ'ର

     ପୁଣି ମିଶି ଯାଏ ମନ ।

ପିଲାମାନଙ୍କୁ ସେ ଭଲ ପାନ୍ତି ଏତେ

    ଦେଖିଣ ବିସ୍ମିତ ହ୍ୱନ୍ତି 

ଜାଣି ପାରନ୍ତି ଲୋକେ କାହା ସନ୍ତାନ 

      ଆଶ୍ଚର୍ଯ୍ୟ ହୋଇଣ ଥାନ୍ତି ।

ପିଲାମାନଙ୍କର ସେନେହ ମମତା 

     ସଭିଁଙ୍କି ପାଗଳ କରେ

ସେ ସ୍ନେହ ବନ୍ଧନ ହସ ଖୁସି ଭରେ 

     ସମୟ ତାଙ୍କର ସରେ ।

ବାହର ଶତ୍ରୁ ଯେ ଯୌଥ ପରିବାର

    ଦେଖି ମନେ ଭୟ କରେ

ସହଜରେ ଚୋର ପଶି ପାରେ ନାହିଁ 

    ଯୌଥ ପରିବାର ଡରେ ।

ଗୋଟି ଗୋଟି କାଠି ସହଜରେ ଭାଙ୍ଗେ

    ବିଡା ଭାଙ୍ଗି ହୁଏ ନାହିଁ 

ଯୌଥ ପରିବାରେ ଏକତା ରହିଲେ

     ଭାଙ୍ଗି ପାରନ୍ତିନି କେହି ।

ଆଜିକାଲି ଯୌଥ ପରିବାର ଆଉ

    ଦେଖା ଯାଉ ନାହିଁ ଏତେ

ସଂସ୍କାର ଭଦ୍ରାମୀ ଶିଷ୍ଟାଚାର ସବୁ 

    ଶିଖିବେ ପିଲା କେମନ୍ତେ ।

ଦୟା କ୍ଷମା ପରୋପକାର ଭାବ

    ଘର କରଣା ଚଳଣି

ମିଳି ମିଶି କରି ଚଳିବା ଭାବନା

    ସ୍ୱପ୍ନ ଯେ ହେଇ ଗଲାଣି ।

ଯୋଥ ପରିବାର ଦିଏ ଭଲ ଶିକ୍ଷା

    ଧର୍ଯ୍ୟ ଶିଖାଇ ଥାଏ

ଏକତା ଡୋରରେ ବାନ୍ଧି ରହି ଥାନ୍ତି

    ସ୍ୱର୍ଗ ପୁର ସୁଖ ଦିଏ  ।

ସ୍ନେହ ଶ୍ରଦ୍ଧା ଶାନ୍ତି ପ୍ରୀତି ଝରେ ନିତି

    ଲାଗେ ଏ ସରଗ ପୁର

ନାହିଁ ପଟ୍ଟାନ୍ତର ଅମୂଲ ମୂଲ ସେ

   ଅଟେ ଯୌଥ ପରିବାର ।


Rate this content
Log in