Library
Profile
ରଙ୍ଗଣୀ ଦୁନିଆ
ରଙ୍ଗଣୀ ଦୁନିଆ
ରଙ୍ଗଣୀ ଦୁନିଆ ଆସର ରଙ୍ଗଣୀ
ସରବେ ରଙ୍ଗା ରଙ୍ଗ ଗରବ କିଣି ଯେ,,,
ଦେହରେ ନଟ ପଟ ରଙ୍ଗଣୀ ବସ୍ତ୍ର
ସର୍ବ ମନେ ଲେପା ଭାବ କୁର୍ତ୍ସିତ ଯେ... ।
ଗରବ ଗାରିମାର ମଲାଟ ପିନ୍ଧି
ହିଂସା ଇର୍ଷା ରଙ୍ଗ ବସନ ଛନ୍ଦି ଯେ,,,
ସର୍ବେ କରନ୍ତି ନାଟ ବାହୁଲ୍ୟ ଘେନି
ସରଳର ମୁଖଟା ମୁଖରେ ଆଣି ଯେ.... ।
ମଞ୍ଚେ ରଙ୍ଗ କ୍ରୀଡନ୍ତି ଶ୍ରେଷ୍ଠ ମାନବ
ରଙ୍ଗ ପରିବର୍ତ୍ତନ ତାଙ୍କ ସ୍ୱଭାବ ଯେ,,,
ସ୍ଵଭାବର ଭାବ ସମେ ଦେଖାନ୍ତି
ଐଶର୍ଯ୍ଯକୁ ବଳିଷ୍ଠ ଶ୍ରେଷ୍ଠ ମଣନ୍ତି ଯେ... ।
ମାନବିକତା ଧର୍ମ ସଞ୍ଚିତ ଅର୍ଥେ
ଧର୍ମ କର୍ମ ମହାନ କର୍ତ୍ତବ୍ୟ ପଥେ ଯେ,,,
କର୍ମ ଶ୍ରେଷ୍ଠ ଐଶର୍ଯ୍ଯ ଜୀବନ ରଣେ
ହୃଦେ ଦୟା ଭାବକୁ ଥାଅ ସଞ୍ଚିଣ ଯେ..... ।
କର୍ମମୟ ଜୀବନେ ସତ୍ୟରେ ରଙ୍ଗ
ଅସତ୍ୟ ଆଚରଣ କରିବ ଭଙ୍ଗ ଯେ,,,
ଅବାସ୍ତବ ଜୀବନେ ମୋହ ଆଦରି
ଚ୍ଛିନ୍ନ କର ସଦୟେ ହୃଦ ନିସ୍ତାରି ଯେ.... ।
ଦୟା ଭାବ ଭବ୍ୟ ଆସ୍ତରଣ ରଖ
ନିର୍ମଳ ଭାବମୂର୍ତ୍ତି ଗଢ଼ିବା ଶିଖ ଯେ,,,
ଶିକ୍ଷା ଯୋଗ୍ୟ ସମୟ ବରିଷ୍ଠ ଗୁରୁ
ଧୀର ଆର୍ତ୍ତନାଦରେ ଶିଖିବ ଦୂରୁ ଯେ.... ।
ସମୟେ ଦାସ ସର୍ବେ କାଷ୍ଠ କଣ୍ଢେଇ
ନୃତ୍ୟ ସଂରଚନା ଡୋରି ହସ୍ତେ ନେଇ ଯେ,,,
ଜୀବନ ପଥେ ଏକା ସେ ଦିଗ୍ଦର୍ଶକ
ପ୍ରଭୁ ଜଗନ୍ନାଥ ସାଜ ମୋ ରକ୍ଷକ ଯେ.... ।
