ରକ୍ତିମ ଅଂଶୁମାଳୀ

ଅଂଶୁମାଳୀ ଅଂଶ ରକ୍ତିମ ରକ୍ତିମ 

ରକ୍ତିମ ଆଭା ସଙ୍ଗେ ଆକାଶ ସମ ।

ଅଂଶୁମାଳୀ ଅଳଙ୍କୃତେ ଇହଲୋକ

ଇହଲୋକେ ବର୍ଣ୍ଣିତ ଅପୂର୍ବ ଭେକ ।

ଭେକ ତପନ ର ଔଜ୍ଜୋଲ୍ୟତା ବିଞ୍ଚେ

ବିଞ୍ଚେ ବାରିଦେ ପୁନଃ କନକ ସିଞ୍ଚେ ।

ସିଞ୍ଚେ ଧରଣିରେ ତାର ଆଭା ଅପୂର୍ବ

ଅପୂର୍ବ ସୋନ୍ଦର୍ଯ୍ୟ ସାୟନ୍ତନେ ପୂର୍ବ ।

ପୂର୍ବ ଆକାଶରେ ଆଚ୍ଛାଦିତ ରବି

ରବି ନାରଙ୍ଗୀ ନଭ ଲଲାଟ ଛବି ।

ଛବି ଅବର୍ଣ୍ଣନୀୟ ପ୍ରକୃତି ଚରିତ

ଚରିତ ସୌନ୍ଦର୍ଯ୍ୟ ଚର୍ଚ୍ଚିତ ଚର୍ଚ୍ଚିତ ।

ଚର୍ଚ୍ଚିତ ଚରିତ୍ର ଶ୍ରେଷ୍ଠ ସୁର ନାୟକ

ନାୟକ ଚିରନ୍ତନ ଅନନ୍ତ ଲୋକେ ।

ସୁର ଲୋକେ ରହି ଆଲୋକ ବିଛାଅ

ବିଛାଇ ରଶ୍ମି ଦୀପ୍ତି ଦିବସେ ଦିଅ ।

ଦିଅ ଅନ୍ତର କରି କ୍ଷଣେ ତିମିର କୁ

ତିମିର ଆସେ ମାଡ଼ି ଗଲେ ଦୂରକୁ ।

ଦୂରେ ବାସ ତୁମ୍ଭ ଅତୁଲ୍ୟ ଉତ୍କର୍ଷ

ଉତ୍କର୍ଷ ପ୍ରମାଣ ଯେ ନିଃସ୍ଵାର୍ଥ ଉତ୍ସ ।

ଉତ୍ସ ଏକୋଇ ଯେ ଅନନ୍ୟ ଗାରିମା

ଗାରିମା ଅଭେଦ୍ୟ ନାହିଁ ଗୁଣ ସୀମା ।

ସୀମା ହୀନ ଯୋଜନେ ତୁମ ଅବସ୍ଥିତି

ଅବସ୍ଥିତି ଦୂରେ ସତ୍ୟ ଦିବ୍ୟ ଘିତି ।

ଘିତି ରକ୍ତିମ ଉଦୟେ ଅସ୍ତେ ରବି

ରବି ଙ୍କ ଔଜ୍ଜାଲ୍ୟ ନଭେ ଶ୍ରେଷ୍ଠ ଛବି ।