ମୋର ଭାବ ଜଗନ୍ନାଥ
ମୋର ଭାବ ଜଗନ୍ନାଥ
ଜଗତ ଜୀବନ ଜଗତ ର ପ୍ରାଣ
ପ୍ରତି ପ୍ରାଣେ ତୁମ୍ଭ ଭାବ,
ଏ ଭବ ସଂସାରୁ ଭାବମୟ ମାୟା
ତୁଟାଇ ଯେ ମୁକ୍ତି ଦେବ l
ମୁକତି ର ଗାମୀ ମୁକତି ର ସ୍ୱାମୀ
ମୁକତି ତୁମରି ନାମେ,
ତୁମ ନାମ ମୁହିଁ ସଞ୍ଚି ରଖିଅଛି
ମୃତ୍ୟୁ ହେଉ ତୁମ ଧାମେ l
ଆହେ କର୍ମବୀର ଆହେ ଧର୍ମ ବୀର
କର୍ମମୟ ହେଉ ଦିନ,
କରମ ଧରମ ତରାଜୁ ଦ୍ୱୟ ରେ
ଅଧର୍ମ ଯେ ହେଉ ଛିନ୍ନ l
ଜଗତ କରତା ଜଗତ ହରତା
ଜଗତ ର ତୁମେ ନାଥ,
ଦିନ ବନ୍ଧୁ ଆହେ କୃପା ସିନ୍ଧୁ ଆହେ
କୃପା ତୁମ ସଦା ସ୍ଥିତ l
ଚରମ ସୀମାର ଅସୀମ ପ୍ରତୀତ
ସୀମାର ଅନ୍ତ ଯେ ନାହିଁ,
ଅନନ୍ତ ଯୁଗର ଅନନ୍ତ ଅକ୍ଷୟ
କ୍ଷୟ ଅନ୍ତ କିବା କାହିଁ l