Library
Profile
ବନ୍ଧନ ରଜ୍ଜୁ
ବନ୍ଧନ ରଜ୍ଜୁ
ବଜ୍ରସ୍ନେହା ବିଶ୍ୱାସନୀୟା ବନ୍ଧୁ ବନ୍ଧନେ ବାନ୍ଧି
ବରିଷ୍ଠ ବିଶ୍ଵସ୍ତ ବନ୍ଧୁ ବନ୍ଧନ ରଜ୍ଜୁରେ ଛନ୍ଦି ।
ଅତୁଲ୍ୟ ରତ୍ନ ଭଣ୍ଡାର ଉତ୍କୃଷ୍ଟ ବାତ୍ସଲ୍ୟମୟୀ
ପ୍ରାଣ ସଙ୍ଗିନୀ ପଞ୍ଚରତ୍ନ ତୁଲ୍ୟ ନିଃସ୍ୱାର୍ଥ ଦେଇ ।
ବାନ୍ଧବୀ ମୋ ବନ୍ଧୁ ଶ୍ରେଷ୍ଠ ପର୍ମାତ୍ମୀୟ ପରାଣ
ଅନୁକମ୍ପା ଅକ୍ଷୁବ୍ଧ ଅକ୍ଷୀବ ଗୁଣେ ସେ ନିପୁଣ ।
ନିସ୍ୱାର୍ଥତା ଆଚରଣେ ମନୁ ବିଷାଦ ବିହରେ
କଥା ମୁକ୍ତା ସ୍ମିତି ଦେଇ ଅନ୍ତରେ ସନ୍ତୋଷ ଭରେ ।
ଆଦିତେୟ ଆଶୀର୍ବାଦ ବାନ୍ଧବୀ ଆନ କେ ହେବ
ଅଶ୍ରୁସିକ୍ତ ନୟନରେ ମୋର ଅଭିପ୍ରାୟ ଦ
ବ ।
ହୃଦ ପ୍ରାନ୍ତରେ କିଞ୍ଚିତ ଆଶା ଅଭ୍ୟୁଦୟ ହୁଏ
ଅମୋଦିତ ଅଭୂଷଣେ ପୂର୍ଣ୍ଣ ସ୍ୱାଧୀନତା ଦିଏ ।
ଅର୍ଜବେ ଆବୃତ ନିଷ୍ଠାପ୍ରିୟ ଆତ୍ମାରେ ଜଡ଼ିତ
ରସ୍ୟର ନୁହଁ ସତ୍ୟ ରୂ ଢ଼ସୌହୃଦ ରୁପବନ୍ତ ।
ମୁଖ ପାଠକ ସଖୀ ମୋର ମୁଖ ପଢ଼ିନେବ
ଆତ୍ମା ପୀଡ଼ା ଦେଖି ମୁଖ ସର୍ବ କ୍ଷଣେ କହିଦେବ ।
ଅନୁକମ୍ପା ପୂର୍ଣ୍ଣ ମନେ ସଦା ଆଲିଙ୍ଗନ ଦେବ
ବିଷଣ୍ଣତା ଦୂର କରି କ୍ଲେଶ କ୍ରୟ କରିନେବ ।
କୃପାମୟ କୃପବର ମହାକଷ୍ଟ ନିବାରତା
ଅନ୍ତ ଯାଏ ଥାଉ ଆମ୍ଭ ବନ୍ଧନ ରଜ୍ଜୁରେ ଦୃଢ଼ତା ।
