ଈଶ୍ବରଙ୍କୁ ପ୍ରଶ୍ନ
ଈଶ୍ବରଙ୍କୁ ପ୍ରଶ୍ନ
ହେ ଈଶ୍ବର ! ଦିଅ ଉତ୍ତର,
କାହିଁକି ଜଗତେ ପାପର ରାଜତ୍ବ ?
ପୂଣ୍ୟ ହୁଏ ଏଠି କାତର।
ନିର୍ଦୋଷ ଯେଉଁଠି ଭୋଗେ କାରାକଷ୍ଟ
ଅପରାଧୀ ବୁଲେ କରି ମନ ହୃଷ୍ଟ
ସତ୍ଯପଥ ଏଠି ଦୁର୍ଗମ କାହିଁକି ?
ଅସତର ପଥ ରୁତିର,
ହେ ଈଶ୍ବର ! ଦିଅ ଉତ୍ତର।
ଅତ୍ୟାଚାରୀ ଏଠି ଭୋଗେ ରାଜସୁଖ
ଶୁଣୁଛି କିଏସେ ପୀଡ଼ିତର ଦୁଃଖ
ପାପୀ ଲଭେ ଏଠି ପ୍ରାଚୁର୍ଯ୍ୟ କାହିଁକି ?
ଭକ୍ତ ଖାଏ ନିତି ପାହାର,
ହେ ଈଶ୍ବର ! ଦିଅ ଉତ୍ତର।
କର୍ମକୁଣ୍ଠ ପାଇଁ ସକଳ ମାଗଣା
କର୍ମନିଷ୍ଠ ସହେ ଯେତେକ ଯନ୍ତ୍ରଣା
କର୍ତ୍ତବ୍ୟନିଷ୍ଠକୁ ଦହଗଞ୍ଜ କିଆଁ ?
ଚାଟୁକାର ପାଏ ଆଦର,
ହେ ଈଶ୍ବର ! ଦିଅ ଉତ୍ତର।
ସରଳ ମଣିଷ ବଳି ପଡ଼େ ନିତି
କୁଚକ୍ରୀର କିଆଁ ବଢ଼େ ପ୍ରତିପତ୍ତି ?
ପତିତ ଜନଙ୍କ ଦୁଃଖ ଶୁଣିବ କି ?
ହେଲ କିବା ମୂକ ବଧିର,
ହେ ଈଶ୍ବର ! ଦିଅ ଉତ୍ତର ।