Library
Profile
ସଂଜ୍ଞାହୀନ ଜୀବନ
ସଂଜ୍ଞାହୀନ ଜୀବନ
ସଂଜ୍ଞାହୀନ ଏ ଜୀବନ
ସୀମା ହୀନ ତା'ର କାର୍ଯ୍ୟ
କେ କ'ଣ କରିପାରିଛି
ଜୀବନର ସଂଜ୍ଞା ନିରୂପଣ ?
କିଛି ନାହିଁ ତା'ର ନିର୍ଦ୍ଧିଷ୍ଟତା
କ'ଣ ତା'ର ରୂପରେଖ
କ'ଣ ଏ ଜୀବର ଜୀବନଟା
କେବଳ କ'ଣ ଲୋଭ ମୋହରେ
ସନ୍ତୁଳି ହେବା
ଜୀବନର ମୂଲ୍ୟବୋଧକୁ ବୁଝି
ଦେଶ ଓ ସମାଜ ପାଇଁ କିଛି
କର୍ତ୍ତବ୍ୟ କରି ଜନ୍ମ ଓ ଜୀବନକୁ
ସାର୍ଥକ କରିବା ।
ମିଛ ମାୟାର କୁହୁଡି ସଦୃଶ
ଅର୍ଥ ଓ ସ୍ବାର୍ଥ ପଛେ ଧାଇଁ ଧାଇଁ
ସ୍ଵାର୍ଥପର ହୋଇଯିବା ନା
ପରୋପକାର ଅପରର ମଙ୍ଗଳ ପାଇଁ
ଏ ଜୀବନକୁ ଉତ୍ସର୍ଗୀକୃତ କରିବା ।
ସମୟର ସଦୁପଯୋଗ କରି
ଆସ ରଖିବା ଆମ ଦେଶର ମାନ
ବଞ୍ଚିବାର ମାନେ ନୁହେଁ ଖାଲି ଜୀବନ
କରିଯିବା ଜୀବ ଦ୍ଦଶାରେ କିଛି ଦାନ ପୁଣ୍ୟ
ତେବେ ଯାଇ ବୁଝିବା ଆମ ଏ ଜୀବନ ଟା କ'ଣ
ତ୍ୟାଗ ଓ ବଳିଦାନ ପାଇଁ ଗଢା ଏ ଜୀବନ ।
କେତେ କେତେ ଦାର୍ଶନିକ
ଦର୍ଶନ ଶାସ୍ତ୍ରେ ତାଙ୍କ ଦେଇଛନ୍ତି
ନାନା ପ୍ରକାରେ ତାଙ୍କ ଜୀବନ ଦର୍ଶନ
ଆମ କାର୍ଯ୍ୟ ଶୈଳୀ ଓ କାର୍ଯ୍ୟ ନୈପୁଣ୍ୟ
ଆମକୁ ସମାଜେ ଦିଏ ମାନ ସମ୍ମାନ
ସତ୍ୟ, ନ୍ୟାୟ ଓ ଧର୍ମ ପଥରେ
ଯଦି କରିବ ଚଳନ
ଏ ଜୀବନର ସଂଜ୍ଞା ଆମେ
ସହଜେ କରିପାରିବା ନିରୂପଣ ।
ସେବା ଓ ଦେବାରେ
ଥାଏ ଯେତେ
ଆତ୍ମ ତୃପ୍ତି ଓ ଆତ୍ମ ସମ୍ମାନ
ସ୍ଵାର୍ଥୀ କି ବୁଝିବେ
ଭୋଗଠୁ ତ୍ୟାଗ ମହାନ
ତ୍ୟାଗ ଓ ବଳିଦାନ
କେବେ ନୁହେଁ ମୂଲ୍ୟ ହୀନ
ତ୍ୟାଗପୂତ ଭାବେ ବଞ୍ଚିବାରେ
ଥାଏ ଯେଉଁ ଆତ୍ମତୃପ୍ତି ଓ ସମ୍ମାନ
ସେ ପାଇଁ ତ୍ୟାଗୀ ହିଁ ମହାନ୍
ତ୍ୟାଗ ହିଁ ଜୀବନ
ସେବା ହିଁ ଜୀବନର ଗୁରୁ ଜ୍ଞାନ
ପରୋପକାର କରିବା ପାଇଁ
ଗଢା ଆମ ଏ ଜୀବନ ।
