Library
Profile
କବି ଆମେ କବି"
କବି ଆମେ କବି"
କବି ଆମେ କବି
ଆମେ ଏ ସମାଜ ର ପ୍ରତିଛବି
କବିତା ରେ ଆମ ଫୁଟାଇବା ଫୁଲ
ନ ଥିବା ଲୋକଙ୍କୁ କରିବା ଗେଲ
ଥିବା ଲୋକଙ୍କୁ ବୁଝାଇବା ସମାଜର ମୂଲ୍ୟ
ନୀତି ନୈତିକତା ଆଦର୍ଶ ର
ଆମେ ପରା ଅଟେ ଗୋଟେ ଗୋଟେ ରବି
କବି ଆମେ କବି ।
ଏ ସୃଷ୍ଟି ର ଆମେ ଦ୍ଵିତୀୟ ଈଶ୍ଵର
କରିବା ଆସ ଆମେ ସମାଜ ସଂସ୍କାର
ସାଜିବା ଆସ ବାର୍ତ୍ତାବହ
ସମାଜ ଓ ସାମାଜିକତାର
ଆମେ ଏ ସମାଜ ର ଦ୍ଵିତୀୟ ରବି
କବି ଆମେ କବି ।
ଦୁଃଖୀ ମଣିଷ ର ଦରଦ ବୁଝିବା
ଚାଷୀ ମୂଲିଆ ର ହୃଦୟ ବୁଝିବା
ଶୋଷଣ ତନ୍ତ୍ର ବିରୁଦ୍ଧେ ଯୁଝିବା
ପୁଞ୍ଜିବାଦ ବିରୁଦ୍ଧେ ଲଢିବା
ସମାଜବାଦ କୁ ଆମେରେ ଗଢିବା
ସନ୍ତ୍ରାସବାଦକୁ ବିଲୋପ କରିବା
ଶ୍ରେଣୀ ସଂଘର୍ଷ କୁ ସମୂଳେ ମାରିବା
ଆମେ ଗଢିବା ଏ ସମାଜେ
ମାନବ ବାଦର ବିକଳ୍ପ ଛବି
କବି ଆମେ କବି ।
ନାହିଁ ନାହିଁ ର ସଂଘର୍ଷ ମଧ୍ୟେ
ମରୁଭୂମି ରେ ସବୁଜ ବିପ୍ଲବ କରିବା
ଅନ୍ଧାରି ମୂଲକରେ
ଆମେ ଆଲୋକର ଦୀପ ଜାଳିବା
ସୁନ୍ଦର
ତମ ପୃଥିବୀ ଗଢିବା
ମଣିଷ ହୃଦୟ କୁ ପଢିବା
ମଣିଷ ପଣିଆ କୁ ପଢିବା
ଭଲ ମନ୍ଦର ବିଚାର କରିବା
ନ୍ୟାୟ ଅନ୍ୟାୟ ର ବିଚାର କରିବା
ସବୁ ସଂଘର୍ଷ ର ନୂଆ ରୂପ ଦେଇ
ଶାନ୍ତି ମୈତ୍ରୀ ଏକତା ର
ବାର୍ତ୍ତାବହ ସାଜିବା
ଯୁଦ୍ଧ ହିଂସା ଦ୍ଵେଷ କୁ
ସମାଜୁ ହଟାଇ ଦେବା
ଉଦୟ ହୋଇବା ଆମେ
ସମାଜେ ହୋଇ ଗୋଟେ ଗୋଟେ
ନୂଆ ସକାଳର ନୂତନ ରବି
କବି ଆମେ କବି ।
ନୂଆ ଚିନ୍ତା ନୂଆ ଚେତନା ନେଇ
ସଭିଏଁ ଚଳିବା ହୋଇ ଭାଇ ଭାଇ
ନ ଥିବ ଆମ ମନରେ ଭେଦ
ନ ଥିବ ଦେଶ ଦେଶ ମଧ୍ୟେ ଦ୍ଵନ୍ଦ୍ଵ ଯୁଦ୍ଧ
ଅର୍ଥ କ୍ଷମତା ରେ ନ ରଖି ଲୋଭ
ଦେବା ଉପଦେଶ ବଞ୍ଚରେ ମାନବ
ଜୀବନ ଜୀବିକା ନାମେ
ଏ ସମାଜେ ନ ରୁହନ୍ତୁ
ଅନ୍ଧ ଭକ୍ତ ଅନ୍ଧ ଭକ୍ତି ର ଲୋଭୀ
ସମାଜେ ସଂସ୍କାର ଆଣିବା ଆସ
ସଭିଙ୍କ ମୁଖେ ଫୁଟାଇବା ହସ
ଆମେ ଏ ସମାଜ ର ପ୍ରଗତି ର
ଆମେ ଏ ସମାଜ ର ସଂସ୍କାର ର
ଜଣେ ଜଣେ ସୁନ୍ଦର ପ୍ରତିଛବି
କବି ଆମେ କବି ।
