Library
Profile
ଅନେକ ଦିନ ହବ ଲେଖିନି
ଅନେକ ଦିନ ହବ ଲେଖିନି
ସମୟ ଅଭାବର ବାହାନା ଦେଖାଇ
ଅନେକ ଦିନ ହେବ ଲେଖିନି।
ଏମିତି ନୁହେଁ ଯେ
ମୋ କଲମରୁ କାଳି ସରିଯାଇଚ୍ଥି।
ନା ମୋ ଭାବନାର
ଶବ୍ଦ କୋଠରୀ ବନ୍ଦ ହେଇଯାଇଚ୍ଥି ।
ଗୋଟିଏ ବିଷୟକୁ
ଭିନ୍ନ ଭିନ୍ନ ପୋଷାକ ପିନ୍ଧାଇ
କେତେ ଆଉ ସେ ପାଠକ ଆଖିକୁ ଧୋକା ଦେବି ।
ପ୍ରେମ ବିରହର ଖଟାମିଠା ଚଟଣି
ନାରୀ ଅବହେଳିତ ,ଦିନ ମଜୁରୀଆର ସଂଘର୍ଷ,ଗାଁ ର ମହକ ...
କେତେ ଆଉ ଲେଖିବି !!
ଲାଗୁଚ୍ଥି ମୁଁ ସେହି
ଜନତାକୁ ବୋକା ବନଉଥିବା ରାଜନେତା ।
ସ୍ବାଧିନତା ପର ଠାରୁ ଆଜି ପର୍ଯ୍ଯନ୍ତ
ଆମେ ଜିତିଲେ ସ୍କୁଲ୍ କରିବୁ
ରାସ୍ତା କରିବୁ, ବିଜୁଳି ଓ ପାନୀୟ ଜଳର ସୁବିଧା କରି
ବୁ
ପ୍ରଚାର କରି ଭୋଟ୍ ହାତାଏ ।
ହଁ, ମୁଁ ଯାହା ଗୋଟିଏ ବିଷୟର
ରୁପରେଖ ବଦଳାଇ ନୂଆ ଶବ୍ଦକୁ ଯୋଡି
ପାଠକ ସହିତ ପ୍ରତାରଣା କରେ ।
ଲେଖା ଭିତରେ ନିଜକୁ ଖୋଜିବାକୁ
ଭଲପାଉଥିବା ପାଠକ ସହଜରେ ଗ୍ରହଣ କରିଦିଏ ।
ସମସ୍ଯା ଖାଲି ସମସ୍ଯା ,
କାଗଜ ପରେ କାଗଜ ଗାରାଏ
ରାତିର ନିରବତା ରେ, ଯେଉଁ ଦିନ ରାସ୍ତାରେ
ଅସହ୍ଯ ମଣିଷ ସହିତ ଭେଟ ହୁଏ।
ଯାଉଚ୍ଥି ମୁଁ ,ଖୋଜି ଆଣିବି ସାମାଜିକ ରୋଗର ଉପସମକୁ।
ଆଉ ନୂତନ ଚିନ୍ତାଧାରାକୁ ପରସି ବି ପାଠକ ଆଗାରେ ।
ଅନେକ ଦିନ ହେବ ସେଥିପାଇଁ ଲେଖିନି ।
----------------------------------
