ଅଭିମାନ
ଅଭିମାନ
ଗୋଟିଏ ବିଶେଷ ଆକର୍ଷଣ
ତା' ମୁଖମଣ୍ଡଳର ସୌନ୍ଦର୍ଯ୍ଯ ନୁହେଁ
ତା' ଅବୁଝା ଅଭିମାନ ।
ଅଶାନ୍ତ ବେଳାଭୂମିର ସ୍ନିଗ୍ଧ ପରିବେଶ ରେ
ତା' ହାତରେ ମୋ' ହାତକୁ ମୁଠେଇ ଧରି
କାନ୍ଧରେ ମୁଣ୍ଡ ରଖି
ଯେତେବେଳେ ପ୍ରଶ୍ନ କରେ ,
"ତୁମେ କାଇଁ ଅଣଦେଖା କରୁଚ୍ଥ ?"
ମୁଁ ଚଞ୍ଚଳ ହେଇ
ତା'କୁ ବୁଝେଇବାକୁ ଲାଗେ
" ଅଣଦେଖା କରି ପାରିବି ନାହିଁ ତୋତେ।"
ସେ ବୁଝେନା
ଶେଷ ରେ ମୁଁ ଉପାୟ ନ ପାଇ
ରାଗିଯାଏ ତା' ଉପରେ।
ମୁଁ ବାଘ ନୁହେଁ ତଥାପି ରାଗରେ ଗରଜିଲେ
ସେ ସବୁ ବୁଝିଗଲା ପରି ମୋ କୋଳରେ
ନିଜ ମୁଣ୍ଡ କୁ ଗୁଞ୍ଜି ଦେଇ ଗଭୀର ଆଲିଙ୍ଗନ କରି କୁହେ
" ମୁଁ ଅଭିମାନ କଲେ ତୁମେ ବୁଝେଇବ ନା ମୋ ଉପରେ ଏମିତି ରାଗିବ। "
ତା'କଥା ଶୁଣି ମୁଁ ହାଲୁକା ହସି ଦେଇ
ତା' ମଥାରେ ଆଙ୍କିଦିଏ ଗୋଟିଏ ପ୍ରତିଭରା ସ୍ପର୍ଶ।