ଲାଇବ୍ରେରୀ
ପ୍ରୋଫାଇଲ୍
ଲକ୍ଷ୍ୟ
ଲକ୍ଷ୍ୟ
1 min
161
ଆସ ଛୁଇଁବା,ହାତ ପାଉ ନଥିବା ଛାଇକୁ
ପରଖିବା ଭାଗ୍ୟର ଭାଗଫଳକୁ,
କପାଳର ରେଖାକୁ ଲମ୍ବେଇ ଦେବା
ପରିଶ୍ରମର ରାସ୍ତାରେ ।
ଆଖି ଦେଖି ନଥିବା ସୂର୍ଯ୍ୟୋଦୟ
ଦେଖିବ ଦେଖିବ ବୋଲି ଅନେଇଛି
ବହୁତ ଦିନରୁ -
ଆସ ଆଣ୍ଠେଇବା ଆଗରୁ
ଅଣ୍ଟା ସଳଖ କରି ଚାଲିବା ଆଜିଠାରୁ ।
ତୁମେ ଭାବୁଥିବ
ସେ ଛୁଇଁବ ଛୁଇଁବ ବୋଲି ହେଉଛି
ଜମାଟ ବନ୍ଧା ଦୁଃଖର ଦଧିନଉତୀକୁ,
ହେଲେ ଭଲକରି ଦେଖ
ଧର୍ଯ୍ୟର ତାବିଜରେ
ସଜଫୁଟା ଗୋଲାପର କଢି ଆଜି ଡାକେ
ସାଧନାର ଯଜ୍ଞ କୁଣ୍ଡେ ଦେବାପାଇଁ ସିଦ୍ଧିର କବଚ ।
ମୁଁ ତ ସବା ଶେଷ ଲୋକ
ଦୌଡ଼ିବା ଏବେ ଆରମ୍ଭ କରିଛି,
ମୁଁ ବି ଛୁଇଁବି ପୂର୍ଣ୍ଣତାର ମହାକୁମ୍ଭ
ଆଉ ଯେତେ ପ୍ରାପ୍ତିର ପୀୟୂଷ
ବିଶ୍ୱାସର ବିଶ୍ୱାବସୁ ପାଖେ
ଭିନ୍ନ ଏକ ଲକ୍ଷ୍ୟର ଲଗ୍ନରେ।
