କେହି ନୁହେଁ ବଡ଼ କେ ନୁହେଁ ସାନ

କାଉ କହିଲା ମୁଁ ବଡ଼

ସାହି ସାହି ବୁଲି ଇଶାରା ଦେଉଛି

ଅବା ବନ୍ଧ ବାଡ଼ି ହିଡ,

କୋଇଲି କହିଲା ବଡ଼

ମୋ ଗୀତର ତାଳେ ମୟୂରୀ ବି ନାଚେ

ସମୁଦ୍ରେ ଉଠଇ ଝଡ଼,

କାଉ ଓ କୋଇଲି ଖପା

ପାଟି କରୁ କରୁ ଦୁହେଁ ଦୁହିଁଙ୍କର

ବଖାଣିଲେ ଯେଝା ବୋପା । 

ସାପ କହିଲା ମୁଁ ବଡ଼

ମୋ ପାଇଁକି କେଳା ଜାତି ଅଛି ଜୀଇଁ

ଖୋଳି କେତେ ହୁଙ୍କା ଗାଡ଼,

ନେଉଳ କହିଲା ବଡ଼

ଦୁଷ୍ଟର ବିନାଶେ ଜୀବନ ଢ଼ାଳିଛି

ହେଲେ ଅବା ନଡ଼ବଡ଼,

ସାପ ଓ ନେଉଳ ଖପା

ତଡା ତଡି ହୋଇ ଗଡ଼ା ଗଡି ହେଲେ

ମେଦିନୀ କମ୍ପଇ ଏକା ।

ହନୁ କହିଲା ମୁଁ ବଡ଼

ପୁରାଣ ଯୁଗର ଉତ୍ତରାଧିକାରୀ

ଜିଣିଥିଲି ଲଙ୍କାଗଡ,

କୁକୁର କହିଲା ବଡ଼

ଚାନ୍ଦ ମାମୁଁ କୋଳେ ଦେଖିଛି ସପନ

ପାଇବାକୁ ଖଣ୍ଡେ ନୀଡ଼,

ହନୁ ଓ କୁକୁର ଖପା

ପୁରାଣ, ବିଜ୍ଞାନ ଗୋଳାଉ ଗୋଳାଉ

ସିଝିଗଲା ପିଠି ଚୋପା ।