ଶନି

ବଳୟର ମଧ୍ୟେ ବିରାଜିତ ତୁମେ

              ଆହେ ନୀଳାମ୍ବର,କାଳ

ଆହେ ସୂର୍ଯ୍ୟପୂତ,ପାତଙ୍ଗୀ,ଅସିତ

              ବୋଲାଇଲ ଅମଙ୍ଗଳ ।

ଗୋଟିଏ ରାଶିକୁ ପାରିହେବା ପାଇଁ

               ଲାଗେ ଅଢ଼େଇ ବରଷ

ସେଥିପାଇଁ ପରା 'ମନ୍ଦ' ନାମ ବହି

               ବଢ଼ାଉଛ ଯାହା କ୍ଳେଶ ।

ହେ ଗ୍ରହନାୟକ,ପଙ୍ଗୁ,ଛାୟାସୁତ

                ନୀଳବସା କଳାକାର

କ

Advertisement

ାଳରାତ୍ରୀ ଘେନି ଉଭା ହେଇଯାଅ

               ଯେବେ ଆସେ ଶନିବାର ।

ଦେହପୀଡ଼ା ଠାରୁ ଧନକ୍ଷୟ ଯାଏ

               ସବୁଠି ତୁମ ଦହନ

ଦୁଃଖର ଦୁନ୍ଦୁଭି ଛୁଇଁ ଛୁଇଁ ବଢ଼େ

               ମାନସିକ ଉତ୍ପୀଡ଼ନ ।

କେତେବେଳେ କର ବିତ୍ତଲାଭ ପୁଣି

               କେତେବେଳେ ବିତ୍ତନାଶ

ତୁମରି ଫାଶରେ ଧରା ପଡ଼ିଗଲେ

               ହୁଏ ଖାଲି ସର୍ବନାଶ ।