Library
Profile
ବୋଧେ ଏଇତ ଜୀବନ
ବୋଧେ ଏଇତ ଜୀବନ
ଯେଉଁଠି ଖୋଜା ଚାଲେ
ନିତି ପେଟ ପାଇଁ ଦୁଇ ମୁଠା ଅନ୍ନ
ଯେଉଁଠି ବଞ୍ଚିବା ପାଇଁ
ଦେଖିବାକୁ ପଡେ ଅନେକ ଅନେକ
ଅସୁମାରି ସ୍ଵପ୍ନ
ଯେଉଁଠି ପାଦେ ଜାଗା
ଅକ୍ତିଆର କରିବା ପାଇଁ
ହୁଏତ ଦେବାକୁ ପଡିପାରେ
ନିଜର ଅମୂଲ୍ୟ ଜୀବନ
ଯେଉଁଠି ନିଜର ହକ୍ ପାଇଁ
ହଜାଇବାକୁ ପଡେ
ନିଜର ମାନ ସମ୍ମାନ
ଯେଉଁଠି ନିଜର ପ୍ରେମିକାକୁ ପାଇବାକୁ
ଭୁଲିବାକୁ ହୁଏ ଆତ୍ମୀୟସ୍ବଜନ
ଯେଉଁଠି ବଞ୍ଚିବା ପାଇଁ
ମରିବାକୁ ହୁଏ
ପ୍ରତି ରାତି ଦିନ
ଯେଉଁଠି ମରିବାକୁ
ପୁଣି ଖୋଜା ହୁଏ
ଏକ ନିର୍ଜନ ସ୍ଥାନ ।
ଯେଉଁଠି ଖୋଜା ଚାଲେ
ଅଣ୍ଟା ପାଇଁ ଚାଖଣ୍ଡେ ବସ୍ତ୍ର
ଆଉ ଜୀବନ ସାରା ହେବାକୁ ପଡେ
ଅସ୍ତ ବ୍ୟସ୍ତ ।
ତଥାପି ତ ଜୀଇଁବାର ଅଛି ।
ଥାଉ ପଛେ ହଜାରେ ସପନ
ସତ୍ୟ ନ ହୋଇ
ଯାଉ ପଛେ ନିଜର ମାନ ସମ୍ମାନ
ଧୂଳିସାତ୍ ହୋଇ
ଯାଉ ପଛେ ଜୀବନ
ଦୁଇ ମୁଠା ଅନ୍ନ ସକାଶେ ଚାଖଣ୍ଡେ
ପେଟ ପାଇଁ
ଯାଉ ପଛେ ସଂଘର୍ଷ ପୂର୍ଣ୍ଣ ଦିନ ଗୁଡିକ
ପଶ୍ଚିମ ଦିଗରେ
ନିତି ଅସ୍ତ ହୋଇ
ପୁଣି ତ ପୂର୍ବ ଦିଗରେ
ଉଦୟ ହେବ ଏକ ନୂତନ ସୂର୍ଯ୍ୟ
ଏକ ରକ୍ତିମ ଆଭା ନେଇ ।
ଏମିତି ତ ସମୟ ଗଡି ଚାଲିଛି
ଅବିରାମ ଗତିରେ
ଅବିଶ୍ରାନ୍ତ ଭାବରେ
ବେଶ୍ ରାତି ଦିନ ।
ସେଇଥି ପାଇଁ ତ
ବଞ୍ଚିବାକୁ ହେବ
ଏଇ ଆମ ବିଭୁ ଦତ୍ତ
ଶ୍ରେଷ୍ଠ ମଣିଷ ଜୀବନ
ଆଉ ଏଇ ବଞ୍ଚିବାର ଅନ୍ୟ ନାମ
ବୋଧେ ଏଇତ ଜୀବନ ।
ଶ୍ରୀ ଡମ୍ବରୁଧର ବାଗ, ଚପ୍ରିଆ, ଗୋଲାମୁଣ୍ଡା, କଳାହାଣ୍ଡି
ଫୋନ ନମ୍ବର 9178225764
